Apocalipsis 5:12 - La'qaatqa ñi qota'olec Qota'olec & Qota'olec Novita Na Qomyipi

¹² Qam ỹaatqajam nelamaxaren quena' retaqa, 'naacsa': Ñí'maq qagreta llaalec qaỹalauat na'le ta'chiguit quiyim icoñiguit da nquesaxanaxa chaqai da nesallaxa, da na'deenaxanaxa chaqai da la'ñaxac, da necaic, da nauaq, chaqai quiyim qaimaqachintac.

Apocalipsis 5:12 Iomraidhean Croise

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

Apocalipsis 1:6

chaqai ỹo'uet quiyim qomi' nashil chaqai quiyim qomi' letaxaỹaxanqajanqa quena qomyipi quiyim so'ueenataxanqot ñi leta'a qota'olec. Ca' da lauaq chaqai da lquesaxanaxa sqaica lqodoc chaqai'en lalamaxarete' so qara'gaxala'. Ajá'a, chaqaida 'neeta dajo.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 15:3

Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.

Apocalipsis 19:1

Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.

Apocalipsis 4:11

Qami' qara'gaxala' qota'olec, ỹaatqajam 'chichiguiñi quiyim coñichiguit da nauaq, da necaic, chaqai da nquesaxanaxa; ma' qami' ro'ueenachiqui' ná'ogue nanchaqaina, ma' chaqaida dá'maq vi'saque, ca' 'ue, ca' re'oq ná'ogue na'maxare.

Apocalipsis 5:13

Chaqai qai'neeta sa'xaỹa ná'ogue ná'maq lo'ueenatec ñi qota'a quená'maq hueeto'ot na piguim chaqai quena 'laua chaqai quená'maq pa'aatañi quena 'laua chaqai cana huaaxai chaqai quená'ogue ná'maq hueetaugui na'maxare, 'neracsa': Da nemaqajnataxanaxa, chaqai da necaic, chaqai da nauaq, chaqai da nquesaxanaxa, qaica lqodoc nqohin qoỹaanema ñí'maq nqa'xantañigui añi qa'xanaxaqui chaqai ñi qagreta llaalec.

Apocalipsis 5:6

Ca' quena lavinñi so nashi nqa'xanqa', hueetañiguilo saua cuatro ise' nca'leesauec chaqai quena lavinñi so qo'xoiquipi seuane'ta so 'ec qagreta llaalec. Nachaatetañi, qam re'qoota dá'maq 'neeto' na' qaỹalauat. Siete saua lasote, chaqai siete nqote'. Ca' saua siete nqote' chaqaisaua saua siete lo'ueenataxanaxaco se re'xoguilo ñi qota'a sauá'maq qanelarrelec ná'ogue na 'laua.

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.

Apocalipsis 6:1

Ca na'le, ca' seuanchigui na' só'maq qagreta llaalec ỹauachigui aso 'auaxai quesaua siete netanaxanqate, ca 'ue so sa'xaỹa quesaua cuatro ise' nca'leesauec retaqa, qam da lavillaxac 'ec ana soxonaxa: —¡'Antaso'o' ỹala'e', ñaqai 'ajñi'!

Apocalipsis 7:12

'neracsa': ¡Ajá'a, chaqaida 'neeta dajo! Da nemaqajnataxanaxa, da nauaq, da na'deenaxanaxa, da toonaxac, da necaic, da nquesaxanaxa chaqai da na'ñaxac, qoỹaanot ñi qota'olec, ca' da'maxare qaica ca lqodoc nqohin. Ajá'a, ca' chaqaida 'neeta dajo.