Apocalipsis 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ So 'auaxaic quesauajo ise' nca'leesauec 'nejem na sauaxaic leta'a; chaqai so liỹa 'ec na tooro; chaqai so liỹa na lashic 'ec na qom; chaqai so liỹa 'ec na ho'ic ỹoota.

Apocalipsis 4:7 Iomraidhean Croise

Génesis 49:9

¡Ca' qami' Judá, qami' ỹaalcolec! 'Ñiisari' meca sauaxaic llaalec quena' ỹovita ỹaxanñi quiyim ỹa'queetac aca loxona: nqai'guiñi, ca nqa'paxanñi quena 'laua, 'neetari' meca sauaxaic lodegaxat. ¿Negue' queto' cá'maq ishit quiyim sqai ỹaxanac?

2 Samuel 1:23

So Saúl chaqai so Jonatán ỹaatqajam nauochaqate' chaqai nqo'itqate', chaqai queda nachaalataxague' chaqai queda lelauaqa' se noỹojchi. ¡Saua'maxare paguec liyigue' queca chirálo, chaqai paguec la'ñaxague' queca sauaxaic leta'a!

Isaías 40:31

qam ná'maq pi'ỹa'a ñi qara'gaxala' se neme da lquesaxanaxa chaqai ishit ỹo 'ec ca chirálo; ishit ne'guenta, qam se nco'teuec, chaqai 'xoic da louoxoc, qam se isot.

Ezequiel 1:10

Ca' naua lashiigo' saua cuatro 'neetasa': queda reloqota'gue 'ec na qom lashic; queda loic, ca 'ec na sauaxaic leta'a; queda nemaq, ca 'ec na tooro; chaqai queda qoshiita'gue, ca 'ec na o'ic.

Ezequiel 1:8

Chaqai quenaua cuatro lashiigo' chaqai naua cuatro laua', sauajo ise' 'vii naua lqai'laqate' quenaua cuatro lahil, pa'aasañi quenaua laua'. Naua laua' ỹoviretecta'. Quena' queete', ca' se naqalcqoiñi, ta'ta'a quiyim ỹalamqaterec.

Ezequiel 10:21

Cuatro naua lashiigo' quiñi 'óna quesaua'maxare, chaqai cuatro naua laua'. Ca' quena pa'aasañi quenaua laua' 'ue na seuane'ta 'ec qom lqai'laqate'.

Daniel 7:4

Só'maq 'auaxaic 'ec na sauaxaic leta'a, qam 'vii laua' 'ec o'ic laua'. Ca na' ñaq sa'ajantac, ca' qano'teguerec saua laua', ca qane'laxataxanaxanshiguim quiyi 'laua, ca' co'viiñi nqohin quesaua lichil, ca na' qanachaalataxanñi 'ec nqohin na qom. Ca' so lapio'xo qaishichigui na qom la'deenataxanaxac.

Números 23:24

Najo qomyipi quiyim ne'laxashiguim ỹaatqajam qaica 'nejem da lichic 'ec ca regat, chaqai se nco'matec quiyim saqa' qo'oc cá'maq letoc, quiyim saqa' ni'chiguilo caua leuo' ca loxonec.

Números 24:9

Quena' ỹovita quiyim nco'matec nenanñi so Israel llaalqaipi, ca' 'ec ca regat: qaica ca ishit nqo'xon. ¡Ỹaatqajam qai'xoren cá'maq i'xoren yi'maxare, qam ỹaatqajam 'ue da nqa'viic cá'maq se i'xoren yi'maxare!

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

Apocalipsis 4:6

Chaqai queda reloqota'gue so qa'xanqa' qai'neeta 'ue so 'ec lachiugue richaauec chaqai richiichiguiñi. Chaqai quenaua lahil so qa'xanqa' hueesa'ñi saua cuatro ise' nca'leesauec no'qaachiguilo quenaua nqote' queda reloxoỹa'gue chaqai queda qoshiỹa'gue.

Apocalipsis 6:3

Ca na' só'maq qagreta llaalec ỹauachigui aso liỹa netanaxanqate, ca sa'xaỹa so liỹa quesaua ise' nca'leesauec, 'naacsa': —¡'Antaso'o' ỹala'e', ñaqai 'ajñi'!

Apocalipsis 6:5

Ca na' so qagreta llaalec ỹauachigui aso liỹa netanaxanqate, ca lotqai sa'xaỹaque so liỹa quesaua ise' nca'leesauec, 'naacsa': —¡'Antaso'o' ỹala'e', ñaqai 'ajñi'! Ca na' ya'ỹa'a, ca seuane'ta so shipgaq laueraxaic. Ca só'maq neetalec so'maxare lo'qoota'a aso lesallaqataxanaxaqui.

Apocalipsis 6:7

Ca na' so qagreta llaalec ỹauachigui aso liỹa netanaxanqate, ca' sa'xaỹaque só'maq pa'aatec quesaua ise' nca'leesauec, 'naacsa': —¡'Antaso'o' ỹala'e', ñaqai 'ajñi'!