Apocalipsis 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam 'ue na qomyipi quená'maq neeta'ñi na Sardis se napio'xote' naua loho. Ca na'maxare ñauequeta'pegue' ma'le, ỹansañi caua noho lalagaxaqa, ma' chi no'ueenataxac nqohin.

Apocalipsis 3:4 Iomraidhean Croise

1 Reyes 19:18

Ca' ỹim ño'ueenaxatañi ma'le quiyi Israel ca siete mil qomyipi se ỹa'dooto naua le'cootal ñi Baal chaqai se nqo'goq.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Eclesiastés 9:8

Se neme ñi'segueñi na nooỹac lalagaxaic, chaqai vite ca lishilaxat na rqahiqui'.

Isaías 1:9

Quetqai ñi qara'gaxala' qaica lqalanec sqaico' caua no'ueenaxaterañi coqomi', ca' nagui queta' shinqatari' yaua Sodoma chaqai yi Gomorra na' qanopoxoỹaxachiñi.

Isaías 59:6

Ca' queso palachiregaxa lala' se qaỹo'uet aca loxoqui; chaqai se no'viichigui ná'maq ỹaqaletentac. Qaidaata da nelauaxa ỹo'ueetetac, naua lqai'laqate' ỹo'ueetesac da nqa'viic,

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Isaías 64:6

Qomá'ogue qomi' shinqatari' ca ỹale sauaqhuaic; naua'que naua no'viiñi qaro'ueenataxanaxaco 'neesari' ca hualoq lahi napio'ota; qomá'ogue sanataxañi 'ec qomi' aca qo'paq laue lasooxoi, chaqai naua qaro'maxasete' se no'viiñi qaramaqate' 'ec na nonot.

Mateo 10:11

Ca quiyim viriu'a ca na'a', loqo'm quenaua na'aaterolqai', ca' daañiỹaque ca la'a' ca qom mashic qaipi'ỹa'a. Ca ñiỹa'ñi ca la'a', chi ỹovireta'a quiyim oquiỹa'e ca'maxare.

Marcos 16:5

Ca' inoxondougui aso napal lahi', ca' iuanteta so ne'nec nqa'xantañi pa'aata'gue da loic, ladocaqa saua loho lalagaxaqa, ca no'daxateterec.

Lucas 20:35

Qam cá'maq taachigui quiyim inoxoneu'a ca liỹa 'laua quiyim mashic liỹa nca'leuec, quecajo liỹa 'laua, ca tot ishit quiyim 'ue ca 'on, chaqai tot ishit 'ue ca ỹo'naxan aca llaale.

Lucas 21:36

Ca' qamiri na'maxachitañi ma'le, ca' queetauguilo naua na'xata' da nqouagaxainaxaguii, qaiyi qohite' qamiri quenaua'que nauajo, chaqai qaiyi shichii quiyim viriu'a ma' novi' najo ỹale llaalec.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

2 Tesalonicenses 1:5

Ca' quedajo, ca ichoxot ñi qota'a quiyim se ỹo'maac quiyim imit na qomyipi, ma' ỹahotaque quiyim noxoñiu'a qamiri cá'maq ñaqa naataho lo'ueenataxanaxac, dá'maq 'em 'uo' nagui da ne'guenaxaguii.

Judas 1:23

Nca'laxachiuec, coñiỹa'pegue' quiyi taatañigui ca norec sham ỹavic. Chaqai 'xoriñii ná'maq liỹaripi, qam richilliỹaño', raqaiquia'guita naua loho, ma' qai'neeta ỹovirauguilo dá'maq se no'uen no'ueenataxac na'maxare.

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 14:4

Ca' so'maxare só'maq se iuanapega aca 'aalo, chaqai co'teeta. Chaqai so'maxare só'maq coỹaretegueñi so 'ec qagreta llaalec quecanchaqa taigue so'maxare. Qanca'laxatec, qaỹachigoxotaugui na qomyipi hueetalec ana 'laua, 'ec nqohin aca 'auaxai nachitaxanataxanqate quiyim qoỹaanot ñi qota'a chaqai so 'ec qagreta llaalec.

Apocalipsis 19:14

Ca so'maxare qaicoỹareta'pegue' queso nalliripi piguim laseripi ỹantañi ná'maq no'uen nooỹac lino lalagaxaic chaqai co'teeta. Sá'ogue neetalec na shipgaq lalagaxaic.

Apocalipsis 19:8

Ma' ñi'maxare qaỹa'maxarenta quiyim no'uet ỹanñi ná'maq no'uen nooỹac lino, co'teeta chaqai qashilec. Ma' na lino taỹaugui da 'maxaraic nachaalataxac ná'maq lalamaxareteripi ñi qota'a.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.

Apocalipsis 6:11

Ca na'le, ca' qoỹaanem na looỹac lalagaxaic. Ca' qohinapega quiyim cocho'qui' liỹa nco'matauec, toco' ma' nalogoñi ỹovita cá'maq naloqojnec quená'maq lqaỹaripi ro'ueenataxantacot so Cristo ná'maq taata'a quiyim qaỹalauat ma'le, 'nejme' saua'maxare.

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.