Apocalipsis 3:3 - La'qaatqa ñi qota'olec Qota'olec & Qota'olec Novita Na Qomyipi

³ No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.

Apocalipsis 3:3 Iomraidhean Croise

Ezequiel 36:31

Chaqai noma' o'lliinchi'te dá'maq se no'uen 'ñiitari' chaqai da se no'uen ro'ueenataxanaxaguii, ca chaqai qamiri 'ue ma'le ca rayiloxohi sauaxat dá'maq rasauaxashichii chaqai dá'maq se no'uen 'viichitac.

Mateo 25:13

Co'na'le, ca' so Jesús 'naapegalo' saua'maxare: —Ỹaatqajam nelohitauec, ma' sqa 'yiiñii ca na'xa'a chaqai ca laloqo' quiyim novi' najo ỹale llaalec.

Marcos 13:33

Vichiguiño' qamiri ỹaatqajam nelohitauec, chaqai na'maxachitañi chaqai nqouagaxaiñitac, ma' sqa 'yiiñii quiyim ỹovita ca laloqo' dajo.

Marcos 13:36

'Neeto' lotqai quiyim ne'laqataxanto novi', ca iuanalgoto qamiri laxaita.

1 Tesalonicenses 5:2

Ma' qamiri mashic 'yiiñita ca na'xa'a ma' novi' rapil so qara'gaxala'. Novi' so'maxare, ma' sqaica ca qaỹahotaque, 'nejem ca cuataxai quiyi pe.

1 Timoteo 6:20

Qami' Timoteo, ỹaatqajam cochi'to' ma'le dá'maq qaipataqairaxalec lo'ueenataxanaxac ñi qota'a. Chaqai se na'xaỹaxañita na chi na'qaataxanaxac huelec najo ma' qaica ca 'negue, chaqai da npa'guenaxanaxac chicqaugui dá'maq qohintapega na'deenaxanaxa, qam mesqaida.

2 Timoteo 1:13

Quiiterelco' dá'maq llicyaxac dá'maq qami' saanem no'uen napaxaguinataxanaxac, chaqai quiisaugui da npi'ỹaxac chaqai da ne'xorenataxanaxa ma' qomi' qoỹaanema, ma' ña'daqatau'a so Cristo Jesús.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.

2 Pedro 1:13

Ma' sa'den quiyim ỹa'maqachiguiñi nqaishin da'maxare, quiyim ñaqaỹim yca'leetauec, se yime saqatetapegalo qamiri quedajo naqataxac.

2 Pedro 3:1

Qamiri ñauochaxaua' ỹaqaỹa', najo aná'maq co'uaataxanaxai ỹerecse selatalo qamiri; quenaua dos ilaata sahotaque quiyim ỹaatqajam 'yiiñitapegalo nauajo ỹaqataxaco.

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.

Apocalipsis 3:2

Nelo'irec, ca 'ñaxachi' dá'maq ñaqa 'ue ro'ueenataxanaxaqui' dá'maq mashic sham imeuo. Ma' ỹim seuana quiyim dá'maq 'viichi'sac se ỹa'maxañi quiñi qota'olec.