Apocalipsis 3:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.

Apocalipsis 3:19 Iomraidhean Croise

2 Samuel 7:14

Ca' ỹim chaqai aỹim leta'a ma'le, chaqai ca'maxare ca ỹaatqajam ỹaalec. Ca no'm 'ue ca ỹo'maqajnac, ca' souaxan chaqai se'lec, shi'ntegue ná'ogue na neta'allipi 'neeta'gue ca llaalec.

Job 5:17

Chalego la'maxa queca qom quiyim qaretaxaỹa'a quiñi qota'olec; totaxan liỹoqoira'piguit quiyim ỹoviraqchiraxaua' ñí'maq qaica ca lqalanec.

Salmos 6:1

Qami' ỹa'gaxala', totaxan relaqairiua' quiyim 'ohi', chaqai sqa vite ca ñouaxanaxaset quiyim roqui'raỹa'.

Mateo 25:7

Ca sá'ogue so nequetegaxaipi ne'laxashiguim ỹa'maxajñi ana lcoỹeraxanaxaqui.

Juan 2:17

Ca' saua lapaxaguinatqa taachirigui lauele' yaua naneresañi la'qaatqa ñi qota'a, 'nerac: “'Eco' ỹaatqajam ỹavic nqai'en aỹim, ma' paguec da ỹauochaxa quena ra'aachi'.”

Romanos 12:11

Na'ñaxachiỹo', 'neeto' lotqai 'ue ca hualaic caqamiri. Machiỹauec añi re'taxanatahi quiyim 'ueenataxañitacot so qara'gaxala'.

1 Corintios 11:32

Qam ñí'maq qara'gaxala' quena' idaana'alo qomi' quiyim 'ue ca qarasauaxaset, ca ỹouaxane' qomi', ma' ỹahotaque quiyim se salecqau'a ca nouaxanaxaset ná'maq saqa' icoñiguit da na'qaatec.

2 Corintios 6:9

'Ue quen 'ec sqai huanapogoxoua', chaqai 'ue quen 'ec ỹaatqajam qomi' neuanatqa. 'Ue quen seuqataugui da lichic quiyim 'ue ca qaralauat, qam ñaqai qomi' qarca'leetauec. 'Ue quen quiyim qaỹouaxanta'pe qomi', qam saqa' qaỹalauate' qomi'.

2 Corintios 7:11

Ca' qamiri 'ue da rachicoxohi, qam ỹa'maxarenta ñi qota'a. Qam ¡ñaqa 'ajñii nagui dá'maq chicqaugui! Ỹo'uet quiyim qamiri sqa saguiriñitac dajo, chaqai choxochita dá'maq 'neeto' na'le dajo, ma' ỹo'uet da ronogoxonaxaguii, chaqai 'ue da rqolonaxahi. Qam na' ime, ca' 'ue da rishoxohi quiyim liỹa huañiua', chaqai nipiichii quiyim 'viichii ca nouaxanaxaset cá'maq ỹo'uet cá'maq se no'uen. Ca' quedajo re'xoi' nqai'ne' qamiri quiyim sqaica ca rasauaxashichii.

Gálatas 4:18

Hua' 'nesa, ma' lo'yaxanec quiyim qanaquita'a ca niỹa. Qam quiyim 'maxaraic cá'maq qohinta'pegue, ca' qoyiquetalec, qam mesqaidaata quena' salequetauguilo qamiri.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.