Apocalipsis 3:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.

Apocalipsis 3:18 Iomraidhean Croise

Salmos 107:11

sauaxat se na'xaỹaxanalo naua lelaataxanaxaco ñi qara'gaxala', ma' se icoñiguit dá'maq ỹahotaque ñi qota'olec paguec lishicshi'ma.

Salmos 16:7

Semaqachin ñi qara'gaxala' ma' ñi'maxare yashaxantac, chaqai dá'maq pa'ỹaauo ño'ueenataxac ñi'maxare ỹa'maxajñi quiyi pe.

Salmos 32:8

Ñi ỹa'gaxala' 'naac: Ỹim sa'ajantac qami'. Chaqai 'ue ma'le ca sapaxaguiñitegue, ỹaatqajam sapaxaguinta qami', sachaxan ma'le ca nayic quiitetegue.

Salmos 73:24

yashaxañi'sac quenaua raqataxagohi', qam ma' ime, ca' coñichiguit aỹim, ca' vite ca imaqachic.

Proverbios 1:25

Qam ta'ta'a quiyim sqai coñiguita naua ỹapaxaguinataxanaxaco; chaqai se na'xaỹaxañiỹalo naua ỹalamqataxanaxaco.

Proverbios 1:30

Sqai coñiguita naua ỹapaxaguinataxanaxaco; sqai 'maxariñii' naua ỹalamqataxanaxaco.

Proverbios 23:23

Shiujnaxañita da lliqueta chaqai da na'deenaxanaxa, da paxaguinataxac, da na'deenec, ca' ¡sqai miiñi'!

Isaías 55:1

Ná'ogue ná'maq iuet ca laquip, naiquena, ca' ne'et quena huaxaỹaq; naiquena ná'maq qaca aca lam, naguiu'a na trigo chi qoỹaantauec, ca qui'ii; naguiu'alo na lataxa chaqai naua lo'i', qam sqai shivichiñii.

Malaquías 3:3

Ñi qara'gaxala' nqa'xanñi, ca' co'taxat ma'le na netaxaỹaxanqajanqaipi, ná'maq chigoxougui so Leví, 'ec cá'maq co'taxat ca plata chaqai ca 'oro, ỹahote'e norec. Ime, ca' naua'maxare ishit ỹaando ca lachitaxanataxanaxat quiñi qara'gaxala', ipacqajanchigui dá'maq ỹaatqajam 'neeta ca nachitaxanataxanaxat.

Mateo 13:44

Da lo'ueenataxanaxac ñi qota'a neeta'gue da piguim, da'maxare 'nejem aca lahi' ana plata qaishinñi quena 'laua. Quiyim ca qom iuanejlec aso lahi' ana plata, ca lotqai liỹa ỹoxojñi, ipacqajanchi'ñi ca loma'. Ca' ỹaatqajam 'xoic da netoonaxac. Ca pil, imen ná'ogue na louenec, ca' rishiujnaxana sojo 'laua.

Mateo 25:9

Qam saua nequetegaxahi 'deenaxanqachaqai 'neraco': “'E', ma' no'me' vire'ta se nalogoñi coqomi' chaqai caqamiri. Ca 'maxaraic quiyim quiipegue' ná'maq imeenac, ca shiujnaxañiỹaque cá'maq viñitaque.”

Lucas 12:21

Ca' chaqaida da 'neeta ca qom quiyim chi lapoonñi ca lesallaxa, qam 'xoratam quiñi qota'olec.

2 Corintios 5:3

ca ỹapolgoto qomi' 'nejem ca nooỹac quena' qoỹanñi, qaiyi sqai senqatauec.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

1 Timoteo 6:18

'Ñirapega na'maxare quiyim ỹo'uet cá'maq no'uen, qaiyi 'ec lesallaxa da'maxare quiyim ỹo'uet cá'maq ỹa'maqachiguiñi. Chaqai qaica ca huapigui lauel, ta'ta'a quiyim 'ue ca ỹaan lotaanaxanaxat.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 19:8

Ma' ñi'maxare qaỹa'maxarenta quiyim no'uet ỹanñi ná'maq no'uen nooỹac lino, co'teeta chaqai qashilec. Ma' na lino taỹaugui da 'maxaraic nachaalataxac ná'maq lalamaxareteripi ñi qota'a.

Apocalipsis 2:9

Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.

Apocalipsis 7:13

Ca 'ue so 'óna queso qo'xoiquipi yinat: —¿Nega'ỹo' ná'maq najo ná'maq ỹantañi na nooỹac lalagaxaic, chaqai negue' cá'maq chicqa'gue?