Apocalipsis 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.

Apocalipsis 3:17 Iomraidhean Croise

Génesis 3:7

Ca co'na'le, ca' naviguerec naua nqote' saua'maxare. Ca saua'que ỹa'deene' quiyim neesauec. Co'na'le, ca neuajta' ana laue ana qo'paq leenaxat higo, ca ỹo'ueete' saua lo'laate'.

Éxodo 32:35

Ca' ñi qara'gaxala' ỹa'ue so nelata ne'ne' so qomyipi sauaxat nqouagaxainot só'maq huaqui llaalec só'maq lo'ueenatec so Aarón.

Mateo 5:3

—Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 9:12

Ca' so Jesús co'na' 'xaỹa dajo, ca 'naaco': —Ná'maq no'uenta se ỹouen ca natarenataxanaq, ta'ta'a ná'maq 'ue na ralolaxa.

Lucas 1:53

Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 6:24

Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Romanos 11:20

Ajá'a, ỹa'maqachiguiñi. Qam qaỹouaxandec, ma' sqaica ca lpi'ỹaxague', ca qami' 'ue ca romachi' ma' 'ue da rpi'ỹaxaqui'. Ca vichiguiño' se nemaqajñi'. Ta'ta'a quiyim richillirañi.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

Romanos 7:24

¡Ỹaatqajam 'xoraicolec aỹim! ¿Nega'ỹo' ca ỹoso'oga aỹim quena ỹoshicmaxa ma' yauequeta'a yi nelauaxa?

2 Pedro 1:9

Qam quecá'maq sqaicaua dauajo, ca 'neetari' ca qai'laq, loqo'm 'ec sqailligueme' neuanñi. Coua'e quiyim qanco'taxajñi ca 'auaxaic lasauaxaseteripi.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 2:9

Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.

Apocalipsis 3:16

Qam ma' chi pa'iigui qami', sqai 'oometa qami' chaqai mesqai qami' pa'e, ca' yisalgue qami'.