Apocalipsis 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Apocalipsis 3:11 Iomraidhean Croise

1 Corintios 9:25

Ná'ogue ná'maq na'maxatetegueñi quiyim tau'a ca comitaxac ỹaatqajam noyinguit ná'ogue ná'maq ỹa'den quiyim na'axat. Na'maxare 'ne'tegue dajo, ma' ỹahotaque quiyim rauegaxan, ca' nado'inñi nqohin aca qo'paq laue, qam aca'maxare sqaỹaloq rashivi. Qam qomi' sahoqotaque quiyim ñauegaq acá'maq sqaica ca lqodoc.

Filipenses 4:5

Ca ná'ogue na qomyipi ỹa'deente' qamiri quiyim qamiri qouagaxanqachaqaqa, ma' so qara'gaxala' sqaỹaloq novi'.

2 Timoteo 2:5

Ca chaqai 'nejem ca qom quiyim mashic ỹalecau'a ca comitaxac, qam no'm se ipaquichigui nqai'en dá'maq leloxoỹaxac, ca' sqaica ma' 'ue quet ca laueguec.

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Santiago 5:9

Caqamiri ỹaqaỹarolqa, 'neeto' 'ue ca queeteguelec ca liỹa caqamiri, qaiyi qaica ca qaỹa'ue ca lasauaxaset. Ma' ñi qota'a ñí'maq imit ma'le na nasauaxaseteripi, tot qaỹaloq novi'.

Apocalipsis 1:3

Chalego la'maxa quecá'maq retaqalec anajo lere, chaqai chalego la'maxa quecá'maq na'xaỹaxantac quiyim qaretaqalec dá'maq na'qaatec chicqo'ot ñi qota'a, chaqai quiyim ỹaatqajam huelec dá'maq qoỹeretalec anajo lere, ma' mashic tot qoỹoqaque ca lqodoc quiyim re'oq ná'ogue najo.

Apocalipsis 16:15

“Ajñii, ỹim ñovi' ma' sqaica ca qaỹahotaque, shintari' ca cuataxai. Chalego loyac ma'le quecá'maq nelootauec chaqai cá'maq netela'alo caua loho, qaiyi mesqai neetauec, ma' no'me' na qomyipi iuana ma'le ná'ogue na loshicmaxa.”

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 3:3

No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.

Apocalipsis 4:10

ca' so veinticuatro qo'xoiquipi ỹa'chi'iñi naua le'cootal quiyí'maq reloqota'ñi so'maxare, ca' imaqachin só'maq sqaica lqodoc da nachaalataxac, ca' illiguiñi ana nado'ontañi quiyí'maq reloqota'ñi so qa'xanqa'. Ca' 'nerac:

Apocalipsis 4:4

Chaqai naua lahil sojo qa'xanqa', ca' 'vii saua liỹa' sauane'talo veinticuatro nashi nqa'xanaxaqui', ca' quesaua'maxare nqa'xantañiguilo so veinticuatro quesó'maq ỹaatqajam qo'xoiquipi, nodaachiguiñi lalagaxaic na looỹac chaqai ana nado'onsañi chicqaugui na 'oro.