Apocalipsis 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:10 Iomraidhean Croise

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 26:41

Nelohitauec qamiri, chaqai nqouagaxaiñii, qaiyi se novitalo qamiri ca ne'guenaxaguii. 'Nesa ma' llic rasapchita qamiri, qam na roshicmaxahi se nasapet.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Marcos 14:9

Ỹaatqajam llic da shinac caqamiri, quiyim canchaqai hua'gue quiyim qaỹa'xat dajo na'qaatec chicqaugui da nca'laxa quená'ogue na 'laua, qai'neeta qaỹa'xatetac da ỹo'uet aso 'aalo, qaiyi se qaicoua'e aso'maxare.

Lucas 2:1

Qam quesaua na'xata', ca so ỹaatqajam lashi na nashillipi, leenaxat Augusto, so'maxare ỹaanec so la'qaatec quiyim ná'ogue na qomyipi qoỹiro na leenqateripi.

Juan 17:6

Ca nauá'maq qami' rca'acshichi' quena 'laua, ca' nañaañirim, naua'maxare sa'deenaxanaxaneguelo aqami'. Ma' ralamqachichi' naua'maxare, ca' qami' nañaañirim, ca naua'maxare na'xaỹaxanteta da ra'qaachiqui'.

Romanos 1:8

'Au sachigoxochichigui so Jesucristo quiyim saanot da ña'aachic ñi qota'a caqamiá'ogue, ma' quenaua'que naua lahil qana'xatetapigui da rpi'ỹaxaguii.

1 Corintios 10:13

Da ne'guenaxaguii novitalo qamiri, da'maxare ỹaatqajam 'nejem da ne'guenaxac ná'ogue na liỹaripi. Qam qamiri lama'xa pi'iỹa'a ñi qota'a ma' ñi'maxare se ỹasene'tema qamiri quiyim paguec ca ne'guenaxaguii quecá'maq tot ralohiguit. Chaqaidaata quiyim novi' ca ne'guenaxaguii, ca ñi'maxare ỹa'ue ca la'maqa' quiyim qarayichii, qaiyi ralohita'piguit.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

2 Timoteo 2:12

quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.

Santiago 3:12

Qamiri ỹaqaỹarolqa, aca hígo lashi, ¿peeta'a ishito' quiyim ma' 'ue aca la, ca' ñaxatec aca leenaxat aceituna? Chaqai aca nanecse uva quiyim ñaxatec aca la, qam ¿hígo? Ca qaican ỹapaguec caca 'oono'lli' ni'llivioxoqui se ishit chicqangui ca huaxaỹaq nochaua chaqai lo'daxaraic.

1 Pedro 4:12

Qamiri ỹaqaỹarolqa, 'neeto' lotqai la'lliỹa'guit da lquesaxanaxa da ne'guenaxaguii taatalgoto qamiri quiyim 'ec sqai viriỹau'a quet.

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

Apocalipsis 11:10

Ca ná'ogue na qomyipi quena 'laua netoonta'peguelo quiyim qaỹalauate' saua'maxare. Ỹaatqajam chalego da netoonaxac, vire'ta quiyim quiñi 'óna ỹa'ue ca lame ilata ca liỹa, ma' sauajo ỹale' ỹa'xatesac da la'qaatec ñi qota'a, ca' saua'maxare ỹaatqajam 'ue da nqui'ic nqai'ne' quena qom.

Apocalipsis 13:10

Ná'maq coñi' ca liỹa, ca na'maxare qai'neeta qaicoñi'. Chaqai ná'maq ralauataxana ca lecat, na'maxare qai'neeta qaỹalauat qaỹodoota'a ca lecat. Ca' vichiguiño' ná'maq lalamaxareteripi ñi qota'a ỹouen ca leualaxavic chaqai ca lpi'ỹaxac.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 14:12

Ca' vichiguiño' ỹouen quiyim 'ue ca leualaxavic ná'maq lalamaxareteripi ñi qota'a, chaqai na'xaỹaxana da laqataxaquipi, chaqai ỹaatqajam ỹaqamqata quiyim quelec so Jesús.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 17:2

Na nashillipi quena 'laua mashic niyiquiñiguit añi'maxare. Chaqai ná'maq hueetalec ana 'laua ỹaatqajam quichigui da dequenaxac, 'ec ca qom quiyim qane'taxañigui ca lataxa.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 3:8

Ỹim sa'den ná'ogue ná'maq 'viichi'sac. Ca' sella'gue dá'maq loqoisa'gue ñi 'ec lasom nauatetagui qaica ca ishit ỹapogui ñi'maxare. 'Eno'm sqai 'xoic ca rquesaxanaxa'e', qam na'xaỹaxañiteta da ỹa'qaatec chaqai mesqai 'xochiriñi aỹim.

Apocalipsis 6:10

Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?

Apocalipsis 8:13

Ca na' ime, ca' ñamatashiguim, ca' sa'xaỹaque so nelaatec piguim le'ec ỹootegueri' quena lavinñi na piguim, ỹaatqajam netenegue da la'qaatec, 'naacsa': —¡'Agai! ¡Ỹaatqajam chalego le'xoric ná'maq neetalec ana 'laua, ma' ilamiguilo daua npe'tel ma' qaipi'chiguilo quedaua liỹa' tres nelaatqa piguim lase'!