Apocalipsis 22:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ỹim Juan sa'xaỹalo chaqai seuanalo nauajo. Ca na' ime sa'xaỹalo chaqai seuanalo, ca' sa'dooto naua i'cootal só'maq piguim le'ec só'maq ỹachaxañima saua'maxare, sham ñqouagaxainot.

Apocalipsis 22:8 Iomraidhean Croise

Hechos 10:26

Qam so Pedro ỹaconsop, ca 'naapego': —Nachaachiriñi, ma' ỹim qom, shinta maqami'.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.

Apocalipsis 19:19

Na'le, ca' seuane'ta só'maq isecỹac lodegaxat chaqai na nashillipi quena 'laua chaqai ná'ogue na nalliripi. Lapoỹata', ma' ỹahotaque nco'ỹa'e' só'maq neetalec so shipgaq chaqai só'maq nalliripi.