Apocalipsis 22:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca na' ime, ca' so nelaatec piguim le'ec 'naapiguiỹa': —Nauajo na'qaatqa ỹaatqajam lliquete', chaqai ishit quiyim qaipi'ỹa'alo. Ca' ñi qara'gaxala' qota'olec ñí'maq ỹo'uet da lquesaxanaxa ná'maq la'qaataxanqajanqaipi, chaqaiñi ñí'maq nela' so lelaatec piguim le'ec, ma' ỹahotaque ỹachaxanem na lelaatqaipi ná'maq sqaỹaloq re'oq ma'le.

Apocalipsis 22:6 Iomraidhean Croise

Génesis 41:32

Ca' qami' dooso' pilalec da re'guemataxaqui' qaidaata, ma' ñi qota'olec ỹahotaque ipacalec ỹo'uet chaqai sqaỹaloq nqai'en.

Daniel 3:28

Ca' quiyi na'le, ca' so nashi Nabucodonosor 'naaco': —¡Qaimaqachin ñi qota'olec ñí'maq lashiilgue' saua Sadrac, Mesac chaqai Abed-nego, ma' nela' so lelaatec piguim le'ec quiyim nca'laxaterec saua qamaxaraqa lelaatqa, quiyim se na'xaỹaxanta ỹim quiyim ỹim nashi! Ca se itene' quiyim qaỹalauate', qam se nqouagaxaintot ca liỹa nashiilec, qaiñiita ñí'maq lashiilgue' qota'olec.

Daniel 6:22

Ñí'maq qota'olec caỹim nela' so lelaatec caỹim, ca' ỹapoguilo naua laapi' na sauaxaic leta'allipi, qaiyi qaica ca 'ne'tegue aỹim, ma' ñi qota'olec ỹa'den quiyim qaica ca sasauaxat quiñi'maxare chaqai caqami', qami' ỹashi.

Mateo 13:41

Ca' najo ỹale llaalec ila' ma'le na lelaatqaipi piguim laseripi quiyim lapoon quedá'maq lo'ueenataxanaxac ná'ogue ná'maq ỹo'uet ca lasauaxaset ca liỹa, chaqai ná'maq ỹo'ueetetac na se no'uen.

Lucas 1:70

Qam da'maxare dá'maq ỹachaxantapeguema qomi' co'na' qaỹa'xateta'guit quesá'ogue só'maq lca'acsec letaxaỹaxanqajanqaipi nallaaqo':

Lucas 16:16

Na naqataxaquipi chicqo'ot na'le so Moisés chaqai da lapaxaguinataxanaxac na la'qaataxanqajanqaipi ñi qota'a ñaqa 'uo' na' novi' so Juan. Ca' quiyi, ca qaỹa'xat da lo'ueenataxanaxac ñi qota'a quiyim ỹoiquentac ná'ogue najo, ca ná'ogue na qomyipi ỹaatqajam 'xoic da leuogoxo, ỹahotaque quiyim inoxoneu'a da'maxare.

Hechos 12:11

Ca' quiyi, ca qaiguemo' ỹa'den so Pedro, ca' 'naaco': —Nagui, ca' ỹaatqajam sa'den llic quiyim ñi ỹa'gaxala' nela'o' so lelaatec chicqashiguim quiyim ỹahotaque qayayit quiñi Herodes chaqai quená'ogue ná'maq sham 'ne'tegue aỹim na judioipi.

Hechos 3:18

Qam ñi qota'olec ipacqajanchigui quedá'maq dajo, dá'maq shi'gue ỹa'xat quesó'maq la'qaataxanqajanqaipi: quiyim ma' nela' so nashi nca'laxaqui, quiyim ỹovirau'a nqai'en da le'xoric.

Romanos 1:2

Ñi qota'olec shi'co' ỹa'xateta'guit najo na'qaatec quenauá'maq co'teete' naneresañi la'qaatqa ñi'maxare, chicqochiguilo nqai'ne' saua 'au letaxaỹaxanqajanqa.

1 Corintios 14:32

Chaqai ná'maq ỹa'xateta'pe naua la'qaatqa ñi qota'a, 'maxaraic quiyim ỹa'den nollaalta'.

1 Corintios 7:29

Qamiri ỹaqaỹarolqa, dá'maq sahotaque sa'xat 'neetasa': Ma' mashic tot qoỹoxorec naua na'xata' seuqatauguilo, ca' nagui taachi'ñi quená'maq mashic 'ue aca loua, 'neetari' quet quiyim 'ec qaca aca loua,

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.

Apocalipsis 21:9

Ca na'le, ca 'ue so nacpegue' aỹim quesaua siete nelaatqa piguim lase', quesauá'maq no'qoosa'alo saua siete 'taxaqui' no'qaachiguilo quesaua pa'aaterec nqa'viico. Ca 'naac caỹim: —Ỹala'e', sachaxañiraxarom añí'maq napiitaxaua ñí'maq loua ma'le ñi 'ec qagreta llaalec.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.