Apocalipsis 22:3 - La'qaatqa ñi qota'olec Qota'olec & Qota'olec Novita Na Qomyipi

³ Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.

Apocalipsis 22:3 Iomraidhean Croise

Salmos 16:11

Ca' chaxañitem aỹim ca nayic da nca'laxa. Ỹaatqajam chalego da na'maxa quiyim sqoỹoqaque qami'; qaica ca lqodoc da toonaxac quiyim qarauaqate'e' qami'.

Zacarías 14:11

Ajá'a, quena Jerusalén liỹa 'xoic na qom neetaugui ma'le, ca' tot liỹa qanopoxoỹaxajñi. Ca' na qomyipi neetaugui na'maxare i'maqajlem, qaica ca no'chiitaque.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Juan 12:26

Ca no'm 'ue ca ỹahotaque quiyim ro'ueenataxanot aỹim, ca 'maxaraic quiyim queeta'pegue' aỹim, ma' cá'maq seuete'e, ca' chaqaiyi hueete'e cá'maq ro'ueenataxantacot aỹim. No'm 'ue ca ro'ueenataxanot aỹim, ca' ñi ita'a imaqachin ca'maxare.

Juan 13:32

Chaqai no'm najo ỹale llaalec ỹachaxan da lemaqachic ñi qota'olec, ca' ñi qota'olec ỹachaxan ma'le da lemaqachic quena'maxare chaqai qaỹaloq ỹo'uet.

Juan 14:3

Ca ma' ime ashic, ca sa'maxajñi ca ra'aari, ca lotqai liỹa yapil, ca sauegue' qamiri, qaiyi cá'ogue cá'maq senqata'ñi.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Deuteronomio 27:26

Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.

Apocalipsis 7:10

Sá'ogue netenegue da laualaxac, 'naacsa': Da qarca'laxa chicqo'ot ñi qota'olec, ñí'maq nqa'xantañigui añi nashi nqa'xanaxaqui, chaqai ñi qagreta llaalec.

Apocalipsis 7:9

Ca na' ime dajo, ca seuane'ta so ỹoreta'oguit qomyipi ỹoreta'oguit na la'qaatec, nachaatetañi quiyi reloqota'ñi so nashi nqa'xanqa' chaqai queso qagreta llaalec. Ca so'maxare ỹaatqajam 'xoic, mashic tot qaica ishit naloqochin, chaqai ỹantañi na nooỹac lalagaxaic, chaqai lo'qoota'a ana chavic laue.