Apocalipsis 22:2 - La'qaatqa ñi qota'olec Qota'olec & Qota'olec Novita Na Qomyipi

² Chaqai quena lavinñi só'maq nayic quiyi lavinñi yi na'a' lodegaxat, chaqai quenaua lahil aso lachiugue que'teguelo ana llaqtaxai ana qo'paq chicqaugui da nca'laxa. Doce 'ue ana la quiyi ñaaxa, quiyi shiraigo lotqai 'ue na ala. Chaqai ana laue ana qo'paq qaỹouen quiyim qaratarenataxana quená'ogue na ỹoreta'oguit qomyipi.

Apocalipsis 22:2 Iomraidhean Croise

Génesis 2:9

Ime, ca' ñaxajshiguim nqai'en ná'ogue ana ỹoreta'oguit no'uen qo'paq na'ic ana la. Ca' quena lavinñi so lanaxanqa' ỹanañigui aso qo'paq chicqaugui da nca'laxa, chaqai aso liỹa qo'paq chicqaugui quiyim qaỹa'den ca lo'yaxanec chaqai ca se no'uen.

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Jeremías 17:14

Yomachirec, qami' ỹa'gaxala', ca' yimeuec ma'le; yca'laxachirec, ca' yca'leuec ma'le, ma' ỹim qaqamite' semaqachiñi'.

Ezequiel 47:1

Na' ime, ca' so ỹale yopilaxata ñi ñigo quiñi no'ueenaxanaxaqui. Ca seuane'ta quiyim ñi lasom chicqotapi'ñot na huaxaỹaq, taata'pegue da lqodoigue quedá'maq reloqota'gue ñi no'ueenaxanaxaqui. Ca' na huaxaỹaq pa'aata'gue da loic ñi no'ueenaxanaxaqui, pa'aata'gue da 'guiñi cada ncopatoxonaxalate.

Zacarías 14:8

Ca' ma'le, ca' nac ca huaxaỹaq 'oom chicqota'a yi Jerusalén, ca ná'maq huaxaỹaq naquetac quiyi no'oomaxa chaqai yi nosaxa. So lavinñi taatapegaqso'ma aso huaaxai qaỹamata'gue leuaxai, chaqai so liỹa lavinñi taatapegaqso'ma aso huaaxai hueetegueñigui ana delec.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 21:21

Ca' saua doce lasomi' sá'ogue 'ue na lauaq, ma' no'ueetaxat na qa' 'ec ỹaviquetaugui, quiñi 'óna lasom nodaachiguiñi najo qa' na lo'ueetaxat. Chaqai só'maq nayic quiichiguiñigui na lavinñi yi na'a' ỹaatqajam nodaachiguiñi 'oro, 'ec na chaañi richaauec.

Apocalipsis 21:24

Ca ná'ogue ná'maq ỹoreta'oguit qomyipi, quená'maq mashic qanca'laxatec, ca' ỹouoxontac yi na'a' lodegaxat, queetapougui na lauaq yi'maxare. Ca ná'maq nashillipi quena 'laua nodootapegueu'a ma'le da lecaic chaqai da lemaqachic yi'maxare.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.

Apocalipsis 22:19

Chaqai no'm 'ue ca 'ue ca naqata'a quenauá'maq naneresañi la'qaatqa ñi qota'olec canajo lere, ca' ñi qota'olec rouootaxana'gue cá'maq qaỹaqatqajantari' taalec ca'maxare cayi lere chicqaugui da nca'laxa chaqai quiyí'maq na'a' ỹaatqajam co'teeta, yí'maq 'em qoỹerelec anajo lere.