Apocalipsis 22:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.

Apocalipsis 22:17 Iomraidhean Croise

Ezequiel 47:1

Na' ime, ca' so ỹale yopilaxata ñi ñigo quiñi no'ueenaxanaxaqui. Ca seuane'ta quiyim ñi lasom chicqotapi'ñot na huaxaỹaq, taata'pegue da lqodoigue quedá'maq reloqota'gue ñi no'ueenaxanaxaqui. Ca' na huaxaỹaq pa'aata'gue da loic ñi no'ueenaxanaxaqui, pa'aata'gue da 'guiñi cada ncopatoxonaxalate.

Miqueas 4:2

ca 'naac: “Ỹalahi, qolaxashi'megue ada naqa' ladocai ñi qara'gaxala', ñí'maq no'ueenaxanaxaqui quiñi nqota'olec so Jacob, qaiyi ñi'maxare qarapaxaguineguelo caua nayicyaxaco, qaiyi seshitaq qolqata'guelo naua llico.” Ma' chicqochi'ñi ma'le yi Sión ca lapaxaguinataxanaxac ñi qara'gaxala', chaqai quiyi Jerusalén chicqochi'ñi ca la'qaatec.

Juan 1:37

Ca' saua dos lapaxaguinatqa so Juan co'na' 'qaachirigui da la'qaatec so'maxare, ca' quetegue so Jesús.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 4:11

Ca' aso 'aalo 'naaco': —Qami' ỹa'gaxala', vire'ta qaica ca re'maxasoxonaqchi' quiyim naviquirishiguim ca huaxaỹaq, chaqai aná'maq ni'ỹa qoỹoqochi'ñigui. Ca ¿nega'ỹo' ca chigoxochira'gue ca huaxaỹaq se neme ne'paxantashiguim quiyim nañaañi'?

Juan 4:14

Qam cá'maq ni'chigui cá'maq huaxaỹaq saanem, ca' qaica ma' liỹa quet iuet laquip. Ma' cá'maq huaxaỹaq saanem, ca'maxare 'ec la'uaxac ne'paxantashiguim quena lauel ca'maxare. Ca' chaqaica cá'maq ỹoviraqta'a ca nca'laxa sqaica lqodoc.

Juan 4:29

—Ỹalahi, ñaqa 'ajñii da ỹale mashic ỹa'xachim ná'ogue ná'maq shi'gue so'uet. ¿Mesqaido' dá'maq qaỹa'xateta'guit nashi nca'laxaqui?

Juan 7:37

Ca quesó'maq co'uaataxanaxaic na'xa'a queso nemaqachic, ca ỹaatqajam pagueco' quen da nemaqajnataxanaxa. Ca' quesojo na'xa'a nachajñi so Jesús ỹaatqajam nelamaxaren na' retaqa, 'naaco': —No'm 'ue ca iuet laquip, ca nacpegue' aỹim, ca' ne'et.

Romanos 3:24

Qam quedá'maq lqouagaxa ñi qota'a, ca ỹo'uet quiyim qaicoñi'chiguit quiñi'maxare. Qaca aca laseuete nqai'en, ma' nca'laxatec, chicqochigui nqai'en so Cristo Jesús.

1 Corintios 2:12

Qam qomi' se seconaxaguit ca 'ueenataxac hueetalec najo. Qaisoota so Espíritu chicqo'ot ñi qota'a, chaqaiso so seconaxaguit, qaiyi sa'deenaq cá'maq lqouagaxanaxat ỹaanema qomi' ñi'maxare.

Apocalipsis 14:13

Ca' 'ue so sa'xaỹaque na'qaatec 'maqot na piguim, ca 'naapiguiỹa': —'Chiriñi dajo: “Ma' quenagui chicqochi'ñi quiyim chalego la'maxa quená'maq mashic ileu, queeta'ñi' quiyim huelec so qara'gaxala'.” Ajá'a, 'naac so Espíritu Santo, quiyim nco'mategue'sopa naua lo'ueenatqa, qam naua lo'ueenataxanaxaco se qaicoua'ahi.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 21:2

Ca' ỹim Juan seuañi'chiguit so na'a' lodegaxat dalaxai Jerusalén, ỹaatqajam co'teeta, chicqashiguim queda piguim, ỹaatqajam chicqo'tot ñi qota'olec, ỹaatqajam qaỹa'maxachichiguiñi, 'ec nqohin da na'maqataxac aca nequetegaxai quiyim ỹovita o'ñiguit ca nauonaxaua.

Apocalipsis 21:6

Na' ime, ca 'naac caỹim: —Ná'ogue mashic ime. Ỹim ná'maq ỹim 'auaxaic chaqai spa'aatec. Ca cá'maq iuet ca laquip, ca' ñi'taxañigui ca ne'paxantashiguim huaxaỹaq chicqaugui da nca'laxa, qaca aca laseuete.

Apocalipsis 21:9

Ca na'le, ca 'ue so nacpegue' aỹim quesaua siete nelaatqa piguim lase', quesauá'maq no'qoosa'alo saua siete 'taxaqui' no'qaachiguilo quesaua pa'aaterec nqa'viico. Ca 'naac caỹim: —Ỹala'e', sachaxañiraxarom añí'maq napiitaxaua ñí'maq loua ma'le ñi 'ec qagreta llaalec.

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:16

—Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.

Apocalipsis 7:17

Ma' ñí'maq qagreta llaalec ñí'maq neetañigui na lavinñi yi nashi nqa'xanqa', ñi'maxare reloqota'a 'neeta'gue aca qagreta, chaqai ỹauega ca hua'ñi na ne'paxantashiguim huaxaỹaq chicqaugui da nca'laxa. Chaqai ñi qota'olec nquiỹouec ná'ogue na lachiripi quenaua nqote' na'maxare.