Apocalipsis 22:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ —Ỹim Jesús, sela' na ilaatec piguim le'ec quiyim ichoxot ná'ogue najo quená'maq mashic icoñiguit da na'qaatec. Ỹim 'ec llaqtaxai so nashi David. Chaqai 'ec ỹim huaqajñi vigaxarai nete'ese.

Apocalipsis 22:16 Iomraidhean Croise

Isaías 11:1

Ca' sojo loỹo chaqaiso so Isaí chicqochigui ma'le aca llaxataxai; ca dalaxai ñaxashiguim chicqochi'ñalo saua lpa'yii.

Isaías 14:12

¡Nachiriño' quena piguim, qami' huaqajñi nete'ese! ¡Qanenaxaño' qami' quena 'laua, qami' qadoxonqui' quen ná'ogue na ỹoreta'oguit qomyipi!

Zacarías 6:12

Ca 'ñiraco': Ñi qara'gaxala' sqaica lqalanec i'taxajñi quiyim ñaxatec cajo ỹale qaỹamata'gue dalaxaic llaxataxa chicqochi'ñalo saua chi lpa'yii, ca' liỹa no'xonshiguim ñi no'ueenaxanaxaqui quiñi qara'gaxala' quiyi Jerusalén.

Números 24:17

'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Mateo 1:1

Anajo chaqana aná'maq naneraxalate só'maq 'auaxaic leta'allipi so Jesucristo, só'maq chigoxougui so nashi David chaqai so Abraham.

Mateo 2:2

Ca renataxane': —¿Negue' cá'maq hueeta'gue ca lashi na judioipi cá'maq chita'gue ne'qaañi? Ma' queda lqodoigue dá'maq sachigoxosqa'gue, seuanaxa aso netanqate huaqajñi. Ca' vichiguiño' ñanaguinaq quiyim semaqachinaq ca'maxare.

Mateo 22:42

ca' so Jesús renataxano', 'naaco': —¿Negue' cá'maq 'neeta ca ra'deenataxanaxaguii quecá'maq nashi nca'laxaqui? ¿Negue' llaalec ca'maxare? Ca' so fariseoipi 'naaco': —Llaalec so qarashi David.

Mateo 22:45

Ca ¿negue' quet cá'maq 'neeta quiyim só'maq nashi nca'laxaqui llaalec quet so David? Ma' so'maxare 'naac la'gaxala'.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Lucas 20:44

Ca ¿negue' ca 'neeta quet quiyim so nashi nca'laxaqui llaalec quet so David? ma' chaqaiso só'maq David 'naac quiyim la'gaxala'.

Romanos 15:12

Qai'neeta so Isaías ỹiriño' na'le da la'qaatec ñi qota'a, 'neetasa': Novi' ma'le ca chigoxougui na llaalqaipi so Isaí, quiyim nachajñi ma' ỹahotaque ỹoiquentac ma'le ná'ogue na qomyipi; ca na'maxare 'ue ma'le ca naquitaxac queca'maxare.

Romanos 9:5

Na'maxare chaqai llaalqaipi so 'auaxaic qareta'allipi, chaqai da re'qoochigui no'ueenataxac na'maxare chicqotougui so Cristo. Ca' qoỹanagui so'maxare quiyim qota'olec quená'ogue, ca qaiyi se neme quiyim qaimaqachintac. Ajá'a, ca chaqaida 'neeta dajo.

2 Pedro 1:19

Qam qai'neeta 'ue da liỹa paguec 'chichiguiñi, ca' dajo chaqaida dá'maq la'qaataxanaxague' saua letaxaỹaxanqajanqa ñi qota'a mashic qoỹeretañi. Ca' qamiri 'maxaraic quiyim ỹaatqajam na'xaỹaxañii'ta dajo na'qaatec, ma' 'neetari' aca ncoỹeraxanaxaqui naviguec queca lapalqa', ỹovireta'a quiyim mashic richi'guit ca na'xa'a chaqai aca huaqajñi nete'ese nenoxonshiguim, ca' coỹarelgoto naua re'taxanatahi.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.

Apocalipsis 1:11

Ca 'naac caỹim: —Ỹim ná'maq ỹim 'auaxaic chaqai spa'aatec, shintam aca la'auaxana na nerqaipi, chaqai aca pa'aatec. 'Chirelec maca lere dá'maq huañita. Ime, ca' lachitalo naua siete 'lauari neetalec ná'maq mashic icoñiguit da na'qaatec quiyi 'laua Asia: neralec yi Efeso, Esmirna, Pérgamo, Tiatira, Sardis, Filadelfia, chaqai yi Laodicea.

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 22:1

Ca' na'le, ca so piguim le'ec ỹachaxañim aso lachiugue co'teeta chicqaugui da nca'laxa; so le'ec huaxaỹaq richiichiguiñi, 'ec na chaañi, chicqau'a yi nqa'xanqa' ñi qota'olec chaqai so 'ec qagreta llaalec.

Apocalipsis 22:11

Ca' vichiguiño' nagui cá'maq ỹo'ueetetac cá'maq se no'uen, ca' 'xañisac ñaq ỹo'uet. Chaqai cá'maq napio'xot da nachaalataxac, ñaqai queetalec da napio'qotaxac. Qam cá'maq huagaxaraic, ñaqai queetalec da leuagaxaric. Chaqai cá'maq nañaanto'ot quiyim queeta'pegue' ñi qota'a, ca' ỹaqamqata quiyim queetalec ñi'maxare.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.

Apocalipsis 22:6

Ca na' ime, ca' so nelaatec piguim le'ec 'naapiguiỹa': —Nauajo na'qaatqa ỹaatqajam lliquete', chaqai ishit quiyim qaipi'ỹa'alo. Ca' ñi qara'gaxala' qota'olec ñí'maq ỹo'uet da lquesaxanaxa ná'maq la'qaataxanqajanqaipi, chaqaiñi ñí'maq nela' so lelaatec piguim le'ec, ma' ỹahotaque ỹachaxanem na lelaatqaipi ná'maq sqaỹaloq re'oq ma'le.

Apocalipsis 3:13

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec.”

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 3:6

Ca cá'maq ỹa'den ca na'xaỹaxanaxac, ca no'uen quiyim na'xaỹaxana da la'qaatec so Espíritu Santo quená'maq mashic icoñiguit da na'qaatec.”

Apocalipsis 5:5

Ca na'le, ca' 'ue so 'óna queso qo'xoiquipi 'naapiguiỹa': —Totaxan queeta da noỹenaxaqui', ma' ñí'maq qaỹamata'gue sauaxaic leta'a chicqaugui so llaalqaipi so Judá, chaqai qai'neeta chigoxougui na lauo' so nashi David, ñi'maxare rauegaxan. Ca' ishit ỹauachigui ada lere chaqai quiyim naqate' saua siete netanaxanqate qaỹa'gaxanaxansañi.