Apocalipsis 21:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.

Apocalipsis 21:7 Iomraidhean Croise

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

2 Samuel 7:14

Ca' ỹim chaqai aỹim leta'a ma'le, chaqai ca'maxare ca ỹaatqajam ỹaalec. Ca no'm 'ue ca ỹo'maqajnac, ca' souaxan chaqai se'lec, shi'ntegue ná'ogue na neta'allipi 'neeta'gue ca llaalec.

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Marcos 10:17

Ca co'na' so Jesús lotqai liỹa eec, ca 'uo' so novi' ỹale ne'guenta, ca ỹa'yi'iñi naua le'cootal quiyí'maq reloqota'ñi so'maxare. Ca renataxano': —Qami' ná'maq ỹaatqajam huagaxaraic napaxaguinataxanaq, ¿negue' cá'maq shinta'gue quet quiyim sovirau'a ca nca'laxa sqaica lqodoc?

Romanos 8:14

Ma' ná'ogue ná'maq queeta'pegue' so Espíritu chicqo'ot ñi qota'a, na'maxare ỹaatqajam llaalqaipi ñi'maxare.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.

1 Samuel 2:8

Ca' ñi qota'olec ne'laxashiguim nqai'en quena 'laua ca 'xoraic, chaqai ỹachigoxochichicñigui na lete loma' ca shiilaxanaxaic; ca' nqa'xanaxañigui na nashillipi, chaqai illa'ñi ca 'xoic lemaqachic noma'; ma' ñi qara'gaxala' ỹaatqajam looỹac na lomala' na 'laua, ime, ca' illaalec ná'ogue nanchaqaina.