Apocalipsis 21:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.

Apocalipsis 21:3 Iomraidhean Croise

1 Reyes 8:27

Qam ¿peeta'a ỹaatqajam llic dá'maq quiyim qami' qota'olec, ca' shichi' ñi'salec ana 'laua? Ma' na piguim quiyim chalego da lecaguiñi, qam se nalo'guit qami' quiyim rolli'rañi, ca ¡huose'quet ná'maq najo 'imec ño'xonshiguim sauaaque qauochi'!

Éxodo 25:8

Chaqai 'viichii ca na'daañi 'imec lodegaxat, qaiyi sentañiguilo qamiri ma'le.

Jeremías 31:33

Dajo dá'maq ña'deenaxac ma'le quena llaalqaipi so Israel, ma' ỹovita cajo na'xa'a: Da ilaataxanaxaquipi sellaagui añi le'taxanata chaqai shiriñi quiyi la'deenataxanaxac loma'. Ca' ỹim qota'olec ma'le quena'maxare, chaqai na'maxare, ca' ỹalamaxareteripi. Ỹim na'gaxala', se'taxajñi da ỹa'qaatec.

Ezequiel 43:7

Ca 'neetapiguiỹa': Najo ná'maq hua'ñi ca ñqa'xanqa', ná'maq sco'ueeta'ñi; ca' sqaica lqodoc quiyim salequetaugui na llaalqaipi so Israel. Ca na'maxare chaqai na lashillipi tot yiualaxainari' quiyim se ỹaqamaxat da co'teeta ỹeenaxat: ca' tot liỹa no'xonshiguim ca ladenqatec lqui'i na lashillipi ná'maq mashic ileu,

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 14:23

Ca' so Jesús 'naaco': —Cá'maq yi'xoren, ca' na'xaỹaxana cá'maq shinac, chaqai qai'xoren quiñi ita'a. Ñi ita'a chaqai aỹim ñanaguinaqpegue', ca' qouora ma'le ca'maxare.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

1 Tesalonicenses 3:11

Sahoqotaque quiyim chaqaiñi ñi qota'olec chaqai so qara'gaxala' Jesucristo qarotauan, qaiyi seshitaq sovitaxalo qamiri.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

Hebreos 8:2

Ca' chaqaiso só'maq qaretaxaỹaxanqajnec quiyim retaxaỹa'pegue' ñi qota'a quecá'maq ỹaatqajam lauo' ñi qota'a queda piguim, cá'maq 'imec chi lo'ueenatec ñi qara'gaxala', mese lo'ueenatec ca chaqai qom.

Apocalipsis 10:4

Ca na' ime retaxahi' saua siete soxonaxal, ca' ỹim mashic sham shiriñi dá'maq 'nerac. Qam 'ue so na'qaatec sa'xaỹaque 'maxashiguim quena piguim, 'naacsa': —Totaxan 'chiriñi dá'maq 'nerac saua siete soxonaxal, qaiyi sqaica ca ỹa'den.

Apocalipsis 10:8

Ca só'maq na'qaatec sa'qaataque na'le queda piguim, ca lotqai pilac liỹa retaqa caỹim, ca 'naacsa': —Mo'e', coñita ada lere nauatetagui lo'qoota'a da nelaatec piguim le'ec co'ueetalec ana huaaxai chaqai na 'laua.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.

Apocalipsis 21:7

Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.

Apocalipsis 22:3

Ca quiyi ma'le, ca' tot qaica quet ca hueetalec ca nouaxanaxaset. Aca nqa'xanaxaqui ñi qota'olec chaqai so 'ec qagreta llaalec neeta'ñi yí'maq na'a', ca' na lelaatqaipi imaqachintac ma'le ñi'maxare.

Apocalipsis 7:15

Vichiguiño' hueete'e na reloqota'ñi na nqa'xanqa' ñi qota'a, chaqai ro'ueenataxantacot ñi'maxare quenaua'que naua na'xata' chaqai naua'que naua piri quiñi lo'ueenaxanaxaqui. Chaqai ñí'maq nqa'xantañigui añi nashi nqa'xanaxaqui ro'ootaxanteguelec.