Apocalipsis 21:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca ná'ogue ná'maq ỹoreta'oguit qomyipi, quená'maq mashic qanca'laxatec, ca' ỹouoxontac yi na'a' lodegaxat, queetapougui na lauaq yi'maxare. Ca ná'maq nashillipi quena 'laua nodootapegueu'a ma'le da lecaic chaqai da lemaqachic yi'maxare.

Apocalipsis 21:24 Iomraidhean Croise

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Isaías 49:23

Naua nashillipi ra'ualaxahi' qata'alli' ma'le, chaqai nauá'maq llaallipi neloxoỹaxallipi caqami' ma'le. Chaqai nqa'paxanñi, ỹoviraxata'guit nqai'en na latap na 'laua, ca' neneequesenta, ỹachaxan dá'maq quiyim se napacalec aqami'. Ca 'yiiñira'a ma'le quiyim ỹim ná'maq ỹim na'gaxala', ca ná'maq pi'ỹa'a ỹim mese pe'taxantegueri'.

Isaías 52:15

ca' chaqaida 'neeta 'xoic ma'le na ỹoreta'oguit qomyipi 'ue da le'laxa; na nashillipi ma' iuana, ca' tot qaicaua caua la'qaatqa queda le'laxa, ma' iuana ma'le chaqai ỹa'den cá'maq ỹaatqajam se ỹauanapega 'xaỹa.

Isaías 55:5

Qami' ỹaxañire'oga ma'le na qomyipi sqai huañirapega; ca' ná'maq se iuanapega qami' ne'guentagui, quepegue' qami', ma' ỹim semaqachiñi', ỹim ra'gaxalachi', ỹim co'teeta qota'olec quena Israel. (55.6-13 Da lqouagaxa ñi qota'olec quená'ogue na qom.)

Isaías 60:13

Ñi qara'gaxala' qota'olec 'naapega yi Jerusalén: Da lesallaxa yi 'laua Líbano qanoda'a qami' ma'le: na qo'paq leenaxat pino, abeto chaqai na ciprés, qaỹahotaque qano'ueenaxat ñi ỹo'ueenaxanaxaqui, qaiyi 'ue ca lauaq yí'maq ico'ỹaaqa'.

Isaías 60:16

Na ỹoreta'oguit qomyipi ỹaanem qami' ma'le ná'maq no'uen na'ic chaqai na nashillipi noda'a qami' ma'le na lesallaxa; chaqai 'yiiñira'a quiyim ỹim ná'maq ñca'laxatec qami', ỹim ra'gaxalachi', chaqai ỹim ná'maq sosouec qami', ỹim quesaxanaxaic qota'olec queso Jacob.

Romanos 15:16

quiyim aỹim lelaatec nqai'en so Jesucristo quená'maq sqai judioipi, quiyim so'ueenataxanougui. Ca dá'maq so'ueetetac 'neetasa' quiyim sa'xatetapeguem da na'qaatec chicqaugui da nca'laxa ỹachaxantac ñi qota'a, qaiyi saanot ñi'maxare ná'maq sqai judioipi, 'nejem aca nachitaxanataxanqate qaỹa'maxarenta quiñi qota'a, ma' mashic qaỹoỹoota'oga na'maxare queso Espíritu Santo.

Romanos 15:26

Ma' yi Macedonia chaqai yi Acaya laseripi 'uo' da la'deenataxanaxac quiyim ỹo'uet aca lapoonecse, ca ilata yi qarqaỹaripi 'xoraiquipi na'ñi yi Jerusalén.

Apocalipsis 21:26

Nodou'a yi'maxare qai'neeta da lecaic chaqai da lemaqachic ná'ogue na ỹoreta'oguit qomyipi.

Apocalipsis 22:2

Chaqai quena lavinñi só'maq nayic quiyi lavinñi yi na'a' lodegaxat, chaqai quenaua lahil aso lachiugue que'teguelo ana llaqtaxai ana qo'paq chicqaugui da nca'laxa. Doce 'ue ana la quiyi ñaaxa, quiyi shiraigo lotqai 'ue na ala. Chaqai ana laue ana qo'paq qaỹouen quiyim qaratarenataxana quená'ogue na ỹoreta'oguit qomyipi.