Apocalipsis 21:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.

Apocalipsis 21:14 Iomraidhean Croise

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Hechos 1:26

Ca' qanallichiguilo, ca' so llitaxac tajlec so Matías. Ca' quiyi, chaqa'ma' qaỹalecqajnouguilo saua once lelaatqa so Jesús.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Efesios 3:5

Dajo se re'xogui ỹaatqajam qaica ca qaỹa'deenaxanaxanegue quesaua 'auaxaqa ñaxari. Qam nagui, ca' ñi qota'a ỹachaxanem ná'maq co'teeta lelaatqaipi chaqai na letaxaỹaxanqajanqaipi, chicqochigui nqai'en so Espíritu Santo.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Hebreos 11:10

Ma' so Abraham nauaantaque ca na'a' qaica ishit ỹopoxoỹaxachigui, chaqai chaqaiñi ñí'maq qota'a ñí'maq no'viishiguim da no'ueenataxac, chaqai chaqaiñi ñí'maq no'xonshiguim.

Judas 1:17

Qam qamiri ỹaqaỹarolqa, no'viñita'co' quiyim shi'gue quesom saua lelaatqa so qara'gaxala' Jesucristo,

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 21:13

'Vii saua tres lasomi' pa'aasa'gue da lqodoigue, tres queda rapiguim, tres queda 'guiñi, chaqai tres queda lauashiguim.