Apocalipsis 21:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' naua lahil yi na'a' 'ue so lquepaxaset lodegaxat chaqai ladocaic. Doce saua lasomi', quiñi 'óna lasom 'ue so 'óna neloxoỹaq piguim le'ec. Chaqai saua leenqate' saua doce llaalqaipi so Israel 'óna ca qoỹerelec quiñi 'óna lasom.

Apocalipsis 21:12 Iomraidhean Croise

Esdras 9:9

Ma' 'eno'm qomi' na'aqa, qam se qaralachi'. Ta'ta'a quiyim choxochi' da rqouagaxa'e' coqomi' iuanchigui nqai'ñi' yi nashillipi quiyi Persia, chaqai 'ỹaañitema qomi' da qarca'laxa, qaiyi liỹa ño'xonaxashiguim añi ro'ueenaxanaxagui'i' quiyim mashic ñá'ogue 'guiñi, chaqai 'ootaxañirelgoto qomi' quena Judá chaqai na Jerusalén.

Nehemías 12:27

Ca co'na' ỹovire'oga so na'xa'a quiyim qaỹahotaque qoỹaano so lapoxonaxat yi Jerusalén, ca' qaimitaque ná'ogue na chigoxougui so Leví quená'maq neeta'ogalo naua na'aate', ca' qaỹauega yi Jerusalén quiyim qoỹaano so lquepaqataxanaxat. Ca' ỹaatqajam 'xoic ma'le da toonaxac, nemaqajnataxanaxac, no'ueenaxanaxac, qaỹahote'e ana nasaquinata chaqai na niviiguellipi.

Salmos 122:7

Quiyim 'ue ca no'daxa quena napoxonaxat, qaiyi qaica canchaqaica quena qauochi' lodegaxat.

Salmos 51:18

Ca 'viichi' ca no'uen quena Sión quedá'maq vi'saque; quiyim liỹa no'xoñirishiguim ca lquepaxaset na Jerusalén.

Isaías 60:18

Quena na'laua'e' tot qara'xaỹaque ma'le da nqa'viic, chaqai tot qanopoxoỹaxajñi naua na'aate' chaqai na qana'laxatañi quena na'laua'e', ta'ta'a quiyim machira'gue na rquepaqataxanaxachi': Nca'laxa; chaqai na lasomyipi machira'gue Toonaxac.

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Lucas 15:10

Ca' ỹim shinapegalo qamiri ỹaatqajam 'ue qai'neeta da netoonaxac ná'maq qota'a lelaatqaipi piguim laseripi, quena' 'ue ñi netacocha quena sauaqhuaiquipi.

Lucas 16:22

Ca 'uo' so na'xa'a, ca' sojo 'xoraic ileu. Ca' anac na lelaatqaipi piguim laseripi ñi qota'a, ca' ỹaueguegue da piguim cá'maq neeta'ñi so Abraham. Ca' so nesallaxanec qai'neeta ileu. Ca' qaishinñi.

Hechos 26:7

Chaqai sá'ogue so sachigoxosqaugui 'auaxaic doce llaalqaipi so qareta'a Israel, qai'neeta naquitesa'a dajo quiyim ipaquichigui. Vichiguiño' imaqachin ñi qota'olec, chaqai ỹo'uet da la'qaatec, ỹocane' naua na'xatari chaqai na piri. Ca' chaqaida quedajo ñaquitaxac nagui sasouetapigui, qami' ỹashi Agripa, ca chaqaida dá'maq 'em qanoquiaatapiguiỹa' quena judioipi.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Apocalipsis 21:13

'Vii saua tres lasomi' pa'aasa'gue da lqodoigue, tres queda rapiguim, tres queda 'guiñi, chaqai tres queda lauashiguim.

Apocalipsis 21:15

Ca só'maq nelaatec piguim le'ec só'maq yitaxaỹaxantac quen, 'ue so lo'qoota'a naloqojnaxanaxat 'oro quiyim qanaloqochin yi na'a', saua lasomi', chaqai so lquepaqataxanaxat.

Apocalipsis 21:25

Chaqai naua lasomi' totqa pootaguilo quiyi na'xa'a. Ca' quiyi, ca' tot qaica ca pe.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.