Apocalipsis 21:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ime, ca seuane'ta so piguim chaqai so 'laua dalaxaic, ma' só'maq 'auaxaic piguim chaqai só'maq 'auaxaic 'laua pala'pe. Chaqai aso huaaxai tot qaca.

Apocalipsis 21:1 Iomraidhean Croise

Daniel 7:3

Ca na'le, ca' chi ne'laqataxanchirishiguim saua cuatro ise' chalego lecaigue', ỹoreta'oguita da no'ueenataxague', nenoxoñishiguim caso huaaxai.

Romanos 8:21

ma' ỹovita quiyim ná'ogue na hueetalec na lauat na 'laua qaỹosouec queda ncoñiitaxac chaqai quiyim qanopoxoỹaxajñi, qaiyi nouanau'a dá'maq chalego lecaic nosoxoc ma'le na llaalqaipi ñi qota'a.

2 Pedro 3:10

Qam ca loviraxaqui ma'le so qara'gaxala' ỹovita ma' sqaica ca qaỹahotaque, 'nejem ca cuataxai queetagui yi pe. Ca' ỹaatqajam qaica 'nejem ma'le ca lelamaxa na piguim ma' sogui, chaqai ná'maq hueeto'ot na piguim ỹavic ma'le queca norec, chaqai na 'laua qai'neeta ỹavic chaqai ná'ogue ná'maq hueetalec ana'maxare.

2 Pedro 3:13

Qam qomi' ñauaanqata'guit ca piguim dalaxaic chaqai ca 'laua dalaxaic ỹachaxantac na'le ñi qota'a, cá'maq hua'ñi ma'le quiyim ná'ogue na qomyipi 'maxaraic da no'ueenataxac chaqai huagaxaraic.

Apocalipsis 13:1

Ime, ca' ñachajñi seueto'ot na lqodoc aso huaaxai. Ca seuañi'chiguit so isecỹac lodegaxat, chicqochiguiñigui aso huaaxai. Qam so'maxare siete saua lqahigo', chaqai diez aso lasote. Cañi 'óna lasote ỹantagui añi nashi nado'o, chaqai quiñi 'óna lqahic 'ue so neenaxat hueetalec ỹaatqajam npa'guente'e' ñi qota'a.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.

Apocalipsis 6:14

Ca' na piguim palac, 'ec ana lere quena' qalepajta'. Chaqai ná'ogue aná'maq quemaralec ladocai chaqai ana delec qaidaxan quena loma'.