Apocalipsis 20:12 - La'qaatqa ñi qota'olec Qota'olec & Qota'olec Novita Na Qomyipi

¹² Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 20:12 Iomraidhean Croise

Proverbios 24:12

Ca 'eno'm 'taxachisegueñi quiyim sqa 'yiiñi', qam ñí'maq imitac na nasauaxaset qaiyijim retan qami'; qam ỹaatqajam ỹa'deenta ñí'maq ra'ajñisac qota'olec, ñí'maq ipaquichigui nqai'en ca re'xoriqui' cá'maq ro'ueenataxanaxaqui'.

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Daniel 7:10

chaqai aso lachiugue, qam norec chicqotacot so'maxare. Ỹaatqajam 'xoic ná'maq ro'ueenataxantacot so'maxare chaqai tot qaica naloqochin só'maq reloqoto'ot so'maxare. Taañi so nimiitaxanaxac quiyi'maxare, ca' qaỹauachiguilo saua lerel.

Mateo 11:22

Qam shinac caqamiri, ma' qaỹa'ue ca nouaxanaxaset najo queca pa'aatec na'xa'a, paguec lecaic ma'le ca nouaxanaxashichii quiyi qomyipi na'ñi yi Tiro chaqai yi Sidón.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Lucas 10:20

Qam se netooñigue quiyim na ne'ec lecmaxaic na'xaỹaxanalo qamiri, qaidaata quiyim yi qadeenaxachii naneretañi queda piguim.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Romanos 2:6

ma' ñi'maxare ỹa'ue ca laseue' cá'maq lo'ueenatec quiñi 'óna.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Filipenses 4:3

Chaqai ma' qami' qamaxaraic ỹo'ueenataxanaxaua, ca shiñirapegaxaua' quiyim tauañi' cauajo qarqaỹa', ma' caua'maxare ỹaatqajam 'xoic da lotaanaxanaxague' caỹim na'le quiyim sa'xatqatac da na'qaatec chicqaugui da nca'laxa, chaqai so Clemente chaqai so liỹaripi ỹo'ueenataxanaxauaripi. Caua leenqate' saua'maxare shi'gue qoỹeresalec aso nelere ñi qota'a nca'laxalate.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 20:13

Ca aso huaaxai ỹaano na leuaxaiquipi huaañigui aso'maxare. Chaqai so nelauaxa chaqai yí'maq lapooqo' na leuaxaiquipi ỹaano qai'neeta ná'maq hueeta'ñi yi'maxare. Ca sá'ogue qaimit, ca' qaishiueten quiñi 'óna quecá'maq ỹo'uet.

Apocalipsis 20:15

Ca' sojo norec qainaxañigui só'maq se naneretalec ca leenaxat aso lere qoỹeretalec ná'maq mashic qanca'laxatec.

Apocalipsis 21:27

Qam se ishit inoxoneu'a yi'maxare ca ñaq napio'o, chaqai ca ñaq noqocatapiguilo naua se no'viiñi no'ueenataxaco, loqo'm naua na'majnaxaco. Qainaata inoxono ná'maq qoỹeretañi ca leenaxat aso nelere so 'ec qagreta llaalec, naneretalec ná'maq qaica lqodoc da lca'laxa.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.