Apocalipsis 20:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.

Apocalipsis 20:11 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Isaías 6:1

Queso ñaaxa na' ileu so nashi Uzías, ca' seuana ñi qara'gaxala' qota'olec nqa'xantañi quiyi nqa'xanqa' qoỹoqoshi'ma; ca naua lo'lo' so napoxoqui no'xataxachichigui ñi no'ueenaxanaxaqui quiyi Jerusalén.

Daniel 7:10

chaqai aso lachiugue, qam norec chicqotacot so'maxare. Ỹaatqajam 'xoic ná'maq ro'ueenataxantacot so'maxare chaqai tot qaica naloqochin só'maq reloqoto'ot so'maxare. Taañi so nimiitaxanaxac quiyi'maxare, ca' qaỹauachiguilo saua lerel.

Mateo 11:22

Qam shinac caqamiri, ma' qaỹa'ue ca nouaxanaxaset najo queca pa'aatec na'xa'a, paguec lecaic ma'le ca nouaxanaxashichii quiyi qomyipi na'ñi yi Tiro chaqai yi Sidón.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.

Apocalipsis 12:8

qam so'maxare qaica lovi'. Ca so'maxare qaica ca loma' queda piguim.

Apocalipsis 16:20

Ná'ogue palac ana delec chaqai ana quemaralec ladocai qa'.

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 20:2

Ca' sojo nelaatec ỹaconlec so isecỹac 'ec naanoc, só'maq ñauapeco' quen nanaic lodegaxat, ca' chaqaiso' só'maq na'ỹaapec chaqai Satanás, ca' coñirari' quesaua mil ñaxari.

Apocalipsis 21:1

Ca na' ime, ca seuane'ta so piguim chaqai so 'laua dalaxaic, ma' só'maq 'auaxaic piguim chaqai só'maq 'auaxaic 'laua pala'pe. Chaqai aso huaaxai tot qaca.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.

Apocalipsis 4:2

Ca na' noviriñi da lquesaxanaxa so Espíritu Santo, ca' seuana yi nashi nqa'xanqa' hueeta'gue da piguim. Ca' quiyijo qa'xanqa' 'ue so nqa'xanta'ñi.

Apocalipsis 6:14

Ca' na piguim palac, 'ec ana lere quena' qalepajta'. Chaqai ná'ogue aná'maq quemaralec ladocai chaqai ana delec qaidaxan quena loma'.