Apocalipsis 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ỹim sa'den ná'ogue ná'maq 'viichisac. Seuana dá'maq ne'guenaxaqui' chaqai da re'xoriqui', 'eno'm ỹaatqajam llic qami' nesallaxanec. Chaqai sa'den ná'maq se no'uen na'qaatqaipi qohinac caqami' quená'maq 'naac judío laseripi, qam sqai llic. Ta'ta'a quiyim loiquenatqaipi so na'ỹaapec.

Apocalipsis 2:9 Iomraidhean Croise

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Lucas 12:21

Ca' chaqaida da 'neeta ca qom quiyim chi lapoonñi ca lesallaxa, qam 'xoratam quiñi qota'olec.

Lucas 22:65

Chaqai 'xoic na liỹa na'qaatec so'maxare chaqai qaishiuentac.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Lucas 6:20

Ca' so Jesús ỹamataugui so lapaxaguinatqaipi, ca' 'naaco': —Ỹaatqajam ra'maxaichiguiñi qamiri ma' qamiri 'xoraiquipi, ma' ralamaxarichii da lo'ueenataxanaxac ñi qota'olec.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 26:11

Chaqai 'xoic quiyim ỹim souaxantac, ma' sahotaque ỹaxanñi da lpi'ỹaxac. Da shinta'gue quen quená'ogue na lapoxoqui na judioipi. Ma' ỹaatqajam 'xoic ỹoquiiaxa quena'maxare, vire'ta socanaxañigui quena ỹoqa'a na'aateripi.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

Romanos 2:17

Qam qami' 'ñirac quiyim qami' judío le'ec, ca' 'quiisapega na naqataxaquipi chicqo'ot so Moisés, chaqai nemaqajñisac quiyim vi'relec ñi qota'olec.

Romanos 5:3

Chaqai mesqaidaata dajo, ma' qai'neeta ñitoonqatac quiyim 'ue da qare'xoric; ma' sa'deenaq quiyim da qare'xoric ỹo'uet ca qareualaxavic,

Romanos 8:35

Ca ¿negue' queto' ca ishit ỹoỹoote'ogalo qomi' queda le'xorenataxanaxa so Cristo? ¿Peeta'a ishit qaroỹootec da qare'xoric, loqo'm da qanquepaqataxac, loqo'm da qanocanaxac, loqo'm da qarqopaaxa, loqo'm quiyim qaica ca qotooỹac, loqo'm da lichic, loqo'm da nelauaxa? ¡'E', qaica!

Romanos 9:6

Qam mesqaida quet quiyim se ipaguigui quet ná'maq ỹachaxantac ñi qota'olec queso Israel, ma' sá'ogue so lalamaxaret llaalqaipi so Israel mesqai sá'ogue lalamaxaret ñi'maxare.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

2 Corintios 8:2

Ca ỹaatqajam 'ue da lqalaic, ma' 'xoic da ne'guenaxac, qam qaiyiita ỹa'maqatajlec. Ca 'eno'm 'xoratem', qam ỹaatqajam rachitaxanataxan, 'nejem ca nesallaxanqaipi.

2 Corintios 8:9

Ma' shi'gue 'yiiñii da lqouagaxa so qara'gaxala' Jesucristo. Ma' so'maxare ỹaatqajam nesallaxanec, qam ne'xoresentam, ma' paguec da le'xorenataxanaxa caqamiri, qaiyi qamiri nesallaxanqa, chicqochigui dá'maq le'xoric so'maxare.

1 Tesalonicenses 3:4

Ma' na' ñaqai senqatauguilo qamiri, chaqa'ma' sa'xatqatac quiyim 'xoic ma'le ca qane'guenaxac. Ca' chaqaida ipaquichigui, dá'maq mashic shi'gue 'yiiñii.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Timoteo 6:18

'Ñirapega na'maxare quiyim ỹo'uet cá'maq no'uen, qaiyi 'ec lesallaxa da'maxare quiyim ỹo'uet cá'maq ỹa'maqachiguiñi. Chaqai qaica ca huapigui lauel, ta'ta'a quiyim 'ue ca ỹaan lotaanaxanaxat.

Apocalipsis 1:9

Ỹim Juan, ỹim rqaỹahi, ỹim salequeta'guita quiyim i'xoyaxaua' qamiri, queda lo'ueenataxanaxac ñi qota'a chaqai queda qareualaxavic ỹaanema qomi' so Jesucristo. Ỹim ncoñiiteguesec na'le, senta'ñi ada delec leenaxat Patmos, sasougui quiyim sa'xatetac da la'qaatec ñi qota'a, dá'maq shi'co' i'taxajñi so Jesucristo.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 2:2

Ỹim sa'den ná'ogue ná'maq 'viichi'sac, chaqai seuana dá'maq na'ñaaqataxaqui', chaqai da reualaxaviqui'. Chaqai sa'den quiyim se ỹa'ñaxachigui qavilli' na loic na hualoxonyipi. Sa'den qai'neeta quiyim 'guiñi' ná'maq 'naac lelaatqaipi so Jesús, qam sqai llic, ca' 'yiiñi' quiyim na'maxare 'maatqaiquipi.

Apocalipsis 2:24

Qam ná'maq liỹaripi neeta'ñi na Tiatira caqamiri quená'maq sqai que'uegue najo napaxaguinataxanaxaquipi chaqai se ỹa'den ná'maq qohinac se re'xogui lo'ueenataxanaxac so na'ỹaapec, ca' ỹim shinac caqamiri quiyim qaica quet cá'maq liỹa senaxalgoto qamiri.

Apocalipsis 3:9

Vichiguiño' ỹim ỹa'dooto nqaishine' aqami' naua le'cootal ná'maq queeta'pegue' so na'ỹaapec, ná'maq 'maatqaiquipi ná'maq 'naac judío laseripi qam sqai llic, qaiyi na'maxare ỹa'den ma'le quiyim se'xoriñi'.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.