Apocalipsis 2:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca 'nejem dá'maq 'ne'tegue ñi ita'a caỹim quiyim nañaañim da iquesaxanaxa quiyim selaataxanac. Ca' ca'maxare reloqota'a ná'ogue na ỹoreta'oguit qomyipi, ỹahote'e ca nepon fierro. Iuagaxatetac, 'nejem nqai'en aca 'ueena 'laua.

Apocalipsis 2:27 Iomraidhean Croise

Isaías 30:14

ropoqoguilo nqohine' qamiri ma'le 'ec aca nehoma 'laua, quena' ropoqogui, ca' lahiletajlec, ỹaatqajam ropoqotam, ca se ỹa'maxañi quiyim qaỹouen ca laỹooqui' quiyim qaillaalec aca norec lpoqo, loqo'm qane'maxashiguim ca huaxaỹaq caca ni'ỹa.

Jeremías 19:11

Ca 'ñirac ma'le: Ñi qara'gaxala' ñí'maq sqaica lqalanec 'naac: Ỹim lahiletajlec nqaishin ma'le najo qomyipi chaqai najo na'a' lodegaxat, 'ec nqaishin quiyim qaỹopoxoỹaxachigui aca nehoma 'laua, ca tot qaishit qaỹa'maxajñi. Na qomyipi chi ishinñi ma'le na leuaxaiquipi quiyi Tofet, ma' tot qaica ca loma' quiyim qaishinñi.

Daniel 7:18

Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Daniel 7:22

ca vire'ta na' novi' so nqo'xonec, ca' qoshiilec so lalamaxareteripi lauo' ñí'maq qota'olec qaica ca 'nejem, ma' ỹovirelec ca laloqo' quiyim na lalamaxaret lauo' ñi qota'olec icoñiguit da no'ueenataxanaxac quiyim ỹoiquentac ná'ogue nanchaqaina.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Lucas 22:29

Vichiguiño' saanema qamiri ca ro'ueenataxanaxaguii quiyim 'viiquiñitac ná'ogue najo, 'nejem ñi qota'a ỹaanem aỹim da ỹo'ueenataxanaxac,

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Apocalipsis 12:5

Ca' aso 'aalo ne'qaañi so llaalec ỹale, só'maq qaỹahotaque nashi ma'le, ca' ỹoiquentac ná'ogue na ỹoreta'oguit qomyipi, 'ec ỹahote'e aca lelaataxanqate fierro lo'qoota'a. Qam na'le, ca' qarouootaxana'gue so llaalec aso 'aalo, ca' qaỹodo'ñi yi nqa'xanqa' ñi qota'a.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.