Apocalipsis 2:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam cá'maq rauegaxan, chaqai quiyim queetalec ỹo'ueetetac dá'maq sahotaque quiyim qaỹo'uet, ỹoviraqteta'a ca lqodoc, ca' ca'maxare saanem da lquesaxanaxa quiyim ila' ná'ogue na ỹoreta'oguit qomyipi.

Apocalipsis 2:26 Iomraidhean Croise

Salmos 2:8

Yashiila'e' quiyim saañiraxarom quiyim ralamaxarichi' ná'ogue na ỹoreta'oguit qomyipi chaqai ỹovira'a ca lqodoc na 'laua, ca' saanem qami' quiyim ralamaxarichi'.

Salmos 2:9

Ca' viise'e ca rashillichi' lecat, ca nopoxoỹaxachiriñi na nashillipi; ¡ca poxoỹaxachirigui 'ec nqai'ñi' aca 'ueena 'laua!

Daniel 7:18

Qam ma' ime, ca' dajo no'ueenataxanaxac qoỹaanougui na lalamaxareteripi ñi qota'olec qaica ca 'nejem, ca' qaica lqodoc quiyim ỹoiquentac na'maxare.

Daniel 7:22

ca vire'ta na' novi' so nqo'xonec, ca' qoshiilec so lalamaxareteripi lauo' ñí'maq qota'olec qaica ca 'nejem, ma' ỹovirelec ca laloqo' quiyim na lalamaxaret lauo' ñi qota'olec icoñiguit da no'ueenataxanaxac quiyim ỹoiquentac ná'ogue nanchaqaina.

Daniel 7:27

Chaqai da no'ueenataxanaxac quiyim qoỹoiquentac nanchaqaina, da nquesaxanaxa chaqai da lauaq ná'ogue na nashillipi quena 'laua, qoỹaanem ma'le na lalamaxaret lauo' ñi qota'olec qaica ca 'nejemalam. Da lo'ueenataxanaxac chaqaidaata 'neetari', sqaica lqodoc, chaqai ná'ogue na ỹoreta'oguit qomyipi quena 'laua ro'ueenataxanot, chaqai cá'maq 'naac, ca' na'xaỹaxane'ta.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 24:13

Qam cá'maq se nañaxanñi, chi ỹovireta'a ca lqodoc aca lqauaxaqui, ca chaqaica cá'maq qanca'laxatec.

Juan 6:29

Ca' so Jesús 'naaco': —Dá'maq ỹahotaque 'viichii ñi qota'olec, dá'maq quiyim viilec ná'maq nela' ñi'maxare.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

Romanos 8:37

Qam quedá'ogue dajo senoxonaxatqauec quiyim qomi' quesaxanaxaqa, qam da qarquesaxanaxa chicqo'ot só'maq i'xorene' qomi'.

1 Tesalonicenses 3:5

Vichiguiño' ỹim, ma' mashic tot yalo'guit dajo, ca' sela' so Timoteo quiyim renataxanalo qamiri negue' ca 'neetari' ca rpi'ỹaxaguii, ma' mashic 'ue da itelaxa quiyim so na'ỹaapec ỹayine' qamiri queca se no'uen chaqai quiyim qaica ca ñigui nqai'en da qaro'ueenataxanaxac.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Santiago 2:20

Qam qami' sqa 'maxariñi', ca' ỹaatqajam qaica ca 'yiiñi', ma' no'm ca npi'ỹaxac sqaica ca ỹa'maqachiguiñi lo'ueenataxanaxac, ca' cajo npi'ỹaxac 'ec leuaxaic.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

1 Juan 3:23

Ca' dá'maq lelaataxanaxac chaqaida dá'maq quiyim seuaqlec só'maq llaalec Jesucristo, chaqai quiyim ñi'xoresenaqta', ma' chaqaida dá'maq ilarelgoto qomi'.

1 Juan 5:5

Ca ná'maq 'ue da lpi'ỹaxac queso Jesús quiyim chaqaiso só'maq llaalec ñi qota'a, ca' qainaata loxonec ná'maq nanatqaipi se no'uen hueetalec ana 'laua.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 20:4

Ca na' ime, ca seuane'talo saua nashi nqa'xanaxaqui'. Ca' quesaua'maxare nqa'xantañiguilo sauá'maq qoỹaanema quiyim ishite' imite' na nasauaxaset. Qai'neeta seuana na lqui'illipi ná'maq qaichaxaic na lqahic sauaxat ỹa'xatetac da la'qaatec ñi qota'a, dá'maq shi'co' ỹa'xat so Jesús. Saua'maxare chaqaisaua sauá'maq se imaqachine' so isecỹac lodegaxat chaqai so nadenqatec lqui'i, chaqai se ỹa'maxarene' quiyim qaỹa'ue ca netanec quena latap loqo'm quena lqai'laxat. Seuane'ta quiyim liỹa qanca'laxaterec, ca lotaua' so Cristo quiyim nashillipi quecaua mil ñaxari.

Apocalipsis 21:7

Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.

Apocalipsis 22:5

Ca' yi hua'ñi, ca' tot qaica ca pe ma'le. Ca ná'maq neeta'ñi yi'maxare, ca' tot ỹouen aca lcoỹeraxanaxaqui chaqai ca lauaq añi ra'aasa; ma' ñi qota'a ñí'maq qara'gaxala' coỹaretalec ma'le. Ca saua'maxare sqaica lqodoc quiyim nashillipi ma'le.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.