Apocalipsis 2:23 - La'qaatqa ñi qota'olec Qota'olec & Qota'olec Novita Na Qomyipi

²³ Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.

Apocalipsis 2:23 Iomraidhean Croise

Salmos 139:1

Qami' ỹa'gaxala', qami' ya'ajñisac chaqai ya'yiiñi';

Jeremías 20:12

Qami' na'gaxala' sqaica lqalanec, qami' ná'maq huañita cá'maq ỹa'maqachiguiñi, qami' ná'maq richaauec nqai'ñi' na qom, qouaquiric seuanchigui nqai'ñi' cá'maq 'ñi'sa'gue, ma' vite ca nouaxanaxaset najo qomyipi, ma' ñañaañiguilo naua rqai'laqachichi' quiyim 'ootaxañirelec aỹim.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Lucas 16:15

Ca' so Jesús 'naapegalo': —Qamiri ma' nachaxañitac quiyim qamiri huagaxaraqa quena qom, qam ñi qota'olec ỹa'deene' naua re'taxanatahi. Ca' quecá'maq na qomyipi ỹaatqajam 'xoic lecaic nqai'en, ca' cajo ỹamaqa'gue ñi qota'olec.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Juan 4:16

Ca' so Jesús 'naaco' caso 'aalo: —Mo'e', ỹaxañira'a ca roua'e'. Ca' ime, ca naqui' quenajo.

Hechos 1:24

Ca' 'neetetegueyi da nqouagaxainaxague': —Qami' qara'gaxala' ma' qami' 'yiiñi' ná'ogue ana ne'taxanata, choxochi' coqomi' cá'maq rca'acshiqui' quenauajo.

Romanos 14:12

Ca vichiguiño' quiñi 'óna coqomi' chi nichoxotalta' ma'le quiñi qota'olec.

Romanos 8:27

Ca' ñi qota'olec ma' ỹa'den aná'ogue ana ne'taxanata, ca ỹa'den negue' cá'maq 'naac so Espíritu. Ma' so Espíritu rashiilaxanaque cá'maq ỹa'maxarenta ñi qota'olec quena' rashiilaxanlec na lalamqateripi ñi'maxare.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Gálatas 6:5

Ma' quiñi 'óna i'xatetegueri' cá'maq chi li'ỹaac.

Deuteronomio 13:11

Ca' quedajo ma'le, ca' na Israel llaalqaipi 'ue ma'le ca lqolonaxa quiyim liỹa pilac ỹo'uet ca se ỹa'maxañi 'nejem dajo.

Deuteronomio 21:21

Ca cá'ogue cá'maq qomyipi na'ñi cajo na'a' ỹalauat ca'maxare, ỹodoota'a na qa'. Ca' 'eda qohine'tegue, qaiyi qanaqat ná'ogue ná'maq se no'uen hueetaugui na qomyipi. Ca ma' ỹa'den na llaalqaipi so Israel, ca' no'chi.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

1 Pedro 1:17

No'm qamiri 'ñiỹac qataa'i ñi qota'olec ñí'maq se nca'aatagui na qom quiyim nimit queca lasauaxaset, ca ỹaatqajam ro'chiỹa ñi'maxare quiyim ñaqai ñiitalec ana 'laua.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 20:13

Ca aso huaaxai ỹaano na leuaxaiquipi huaañigui aso'maxare. Chaqai so nelauaxa chaqai yí'maq lapooqo' na leuaxaiquipi ỹaano qai'neeta ná'maq hueeta'ñi yi'maxare. Ca sá'ogue qaimit, ca' qaishiueten quiñi 'óna quecá'maq ỹo'uet.

Apocalipsis 22:12

—Ajá'a, ỹim sqaỹaloq ñanac. Ca' ñi'xateta cá'maq ishiuetenaxanaxat quiñi 'óna quecá'maq 'neeta ca lo'ueenataxanaxac.

Apocalipsis 6:8

Ca na' ya'ỹa'a, ca seuane'ta so shipgaq qoñooxoic. Ca só'maq neetalec so'maxare leenaxat nelauaxa. Ca' so coỹaretaho queso'maxare chaqaiso só'maq lqui'i cá'maq lapooqo' na leuaxaiquipi. Ca' qoỹaanem da lquesaxanaxa quiyim ỹalauat quiñi 'óna quenaua cuatro qomyipi quená'maq hueetalec ana 'laua, ỹahote'e na lauataq, chaqai na nqopaaxa, chaqai na nalolaxa, chaqai ná'maq retoxonac quena 'laua.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.