Apocalipsis 2:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:17 Iomraidhean Croise

Salmos 36:8

Chaqai ỹaatqajam ná'ogue ỹa'maqachiguiñi ma' 'xoic na na'ic queca ra'aachi'; chaqai ne'teetapigui na le'ec aso no'uen lachiugue,

Isaías 56:4

Ma' ñi qara'gaxala' 'naac: Ca naqateguese lolaa no'm se ro'ueenataxañigui yi na'xa'a co'mataxaqui, chaqai no'm ipacqajanchigui dá'maq sahotaque chaqai se ỹa'laxate dá'maq ña'deenaxac,

Isaías 56:5

ca' ỹim saanem ca paguec loyac queca llaalec chaqai caca llaale; ỹim saanem quiyim ca leenaxat ỹaatqajam 'chiichiguiñi nqaishin, qaican ỹapalaxat, spa'xanaho quiñi iuo', saanem quiyim da leenaxat sqaica lqodoc, chaqai sqai pal.

Isaías 62:2

Na ỹoreta'oguit qomyipi iuana ma'le ca rca'laxa'e', ná'ogue na nashillipi iuana ma'le da rauaqe'. Ma'le, ca' chaqaiñi ñi qara'gaxala' ỹa'ue ca dalaxaic qadeenaxachi'.

Mateo 13:11

Ca' so Jesús 'naaco' quesaua'maxare: —Ñi qota'olec ỹa'deenaxanaxanque qamiri dá'maq se re'xogui leloxoỹaxac dá'maq lo'ueenataxanaxac hueeta'gue da piguim. Qam na'maxare ỹaatqajam se ishit ỹa'den.

Marcos 7:16

Ma' qamiri 'vii naua rque'lahi lauaco, ca 'maxachi'tegue ca na'xaỹaxanaxaguii.

Juan 4:32

Qam so'maxare 'naaco': —Ỹim 'ue da noq, qam da'maxare qamiri sqai huañiỹapega.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

Colosenses 3:3

Ma' qamiri mashic relauaxauahi so Cristo, ca' nagui, ca dá'maq ỹaatqajam rca'laxahi queso'maxare nañoxoteso'ot ñi qota'a.

Apocalipsis 14:3

Ca' ro'ueenaxantac, ỹo'ueentac da dalaxaic no'ueenec reloqotau'a yi nqa'xanqa' ñi qota'a, chaqai saua cuatro ise' nca'leesauec, chaqai queso qo'xoiquipi. Qaica ca ishit ỹa'den so no'ueenec, qaisoota só'maq ciento cuarenta y cuatro mil só'maq ỹovirau'a da nca'laxa quena 'laua.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 3:22

Cá'maq ỹa'den ca na'xaỹaxanaxac, ca' no'uen quiyim na'xaỹaxana so Espíritu Santo quedá'maq 'naapega ná'maq mashic icoñiguit da na'qaatec.”

Apocalipsis 3:6

Ca cá'maq ỹa'den ca na'xaỹaxanaxac, ca no'uen quiyim na'xaỹaxana da la'qaatec so Espíritu Santo quená'maq mashic icoñiguit da na'qaatec.”