Apocalipsis 2:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Vichiguiño' netogochigui nqai'ñi' na qavilli'. Ma' no'me', ca' sqaỹaloq shicpegue' aqami', ca' ñco'ỹa'to ma'le naua'maxare, sahote'e na lecat chicqaugui na ỹap.

Apocalipsis 2:16 Iomraidhean Croise

Isaías 11:4

Ỹaqamaxateta da nimiitaxac na qaica ca yí chaqai qoshiilec na 'xoraiquipi quena 'laua quiyim ỹahotaque ca la'maxa. Naua la'qaatqa 'ec ca qo'paq nouaxanaxanaxat quiyim qaỹouaxan ca se ra'maqataxan, chaqai ỹahote'e na lacat quiyim ỹouaxan ca hualoxonaq.

Isaías 49:2

Naua ỹa'qaatqa 'ec nqai'ne' lecat ỹaxaraic, chaqai quepaqataxanlec aỹim queda lqai'laxat, ñigui nqai'en aỹim ca 'ec novic shitaxaraic, ca' ỹa'maxat aỹim caso lovic lahi'.

Efesios 6:17

Chaqai da rca'laxahi, 'neetari' nqai'ñii aca nado'ii lquepaxaset na rqahiguii. Chaqai coñiỹa da la'qaatec ñi qota'a, 'nejem nqai'ñii ca lecat ỹaanema qamiri so Espíritu Santo.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

Apocalipsis 1:16

Chaqai queda loic lo'qoota'alo saua siete huaqajñi. Chaqai quena lap chicqaugui so lecat ỹaatqajam ỹaxaraic, dos llaaxa'. Chaqai na lashic 'ec añi ra'aasa quena' ỹaatqajam quesaxan da lauaq.

Apocalipsis 16:9

Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.

Apocalipsis 19:15

Chaqai na lap neetaugui so lecat ỹaatqajam ỹaxaraic, ca' ỹoda'a ná'ogue ná'maq ỹoreta'oguit qomyipi, chaqai ỹoiquentac, 'ec ỹahote'e aca lashilete fierro quiyim relaataxan. So'maxare imit ma'le na nasauaxaset quena qomyipi, 'nejem nqai'en ca nelam na li'i ana 'uva, co'vigui, ỹahota'ahi naua lapiaate'. Ca 'ec lataxa nqai'en ma' ne'taxañigui dá'maq chalego lecaic nouaxanaxaset chicqaugui dá'maq lonogoxonaxac ñi qota'a ñí'maq qaica ca qalanac.

Apocalipsis 19:21

Ca só'maq liỹaripi, ca qaỹalauat, qaỹodoota'a so lecat neetagui na lap só'maq neetalec so shipgaq. Ca' ná'ogue ana qo'o quemategue ná'maq la'at saua'maxare.

Apocalipsis 2:12

Qai'neeta lachita ma'le aca lere ñí'maq nelaatec reloqota'a yí'maq mashic icoñiguit da na'qaatec neeta'ñi yi Pérgamo. 'Ñiraco': “'Neetayi da la'qaatec ñí'maq 'ue ñi lecat ỹaxaraic dos llaaxa', 'naacsa':

Apocalipsis 2:5

Ca' vichiguiño' no'viñiraque cá'maq hua'ño' na' nachiriñi. Ca' ỹaatqajam netogochigui nqai'ñi' na qavilli'. Ime, ca lotqai liỹa 'viichi' dá'maq 'viichisaiquen na' ñaqai 'avichiguiñi. Ma' no'me', ca' sqaỹaloq shicpegue' aqami', ca' souootaxana'gue añi rcoỹeraxanaxagui'i' quiyi loma'. Qam no'm netogochigui na qavilli', ca' se souootaxana'gue.

Apocalipsis 22:20

Ca só'maq ichoxote' nauajo 'naac: —Ajá'a, sqaỹaloq ñanac. Ajá'a, ca' chaqaida 'neeta dajo, nanaqui' qami' qara'gaxala' Jesús.

Apocalipsis 22:7

—¡Sqaỹaloq ñanac! ¡Ca' chalego loyac quecá'maq na'xaỹaxane'ta da la'qaatec ñi qota'a qoỹeretañi canajo lere!

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.