Apocalipsis 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 2:13 Iomraidhean Croise

Mateo 10:23

Ca noma' qarocañiỹac queca na'a', ca' 'iichii, quiipegue' ca liỹa. Ma' ỹaatqajam llic da shinac caqamiri, quiyim najo ỹale llaalec novi' ma'le, ma' saqa' nomachishiguim ná'ogue na na'aateripi quená'maq la'a' so Israel llaalqaipi.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 4:10

Co'na'le, ca' so Jesús 'naaco': —Mo'e', oquire'e aỹim, qami' Satanás, ma' naua 'auaxaqa naneresañi na'qaatqa 'neracsa': “Maqachiñi' ñi ra'gaxalachi' qota'a, ca' qaiñiita 'ueenataxañitot.”

Lucas 21:17

Chaqai ná'ogue na qom hueetalec na 'laua noquii'alo qamiri, sovitapigui aỹim.

Hechos 22:20

Chaqai na' qaỹalauat yi ra'qaataxanqajanqui' Esteban qai'neeta salequetaho, sa'maxarenta quiyim qaỹalauat, vire'ta seloqota'alo saua loho sauá'maq ralauataxane'.”

Hechos 9:14

Ca' nagui nanaiquenajo ne'xateta so lere hueetalec na la'qaatec na lashillipi na netaxaỹaxanqajanqaipi quiyim i'xat ná'ogue coñi' ná'maq ỹouentac da qadeenaxachi' quena' nqouagaxain.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

1 Timoteo 5:8

Ma' ca qom quiyim se idaanlec cá'maq chi lauo' laseripi chaqai paguec quená'maq lalamaxaret llaalqaipi, ca' ỹit dá'maq ỹaatqajam npi'ỹaxac. Ca dá'maq 'neetari' paguec la'aaxa quecá'maq saqa' icoñiguit da na'qaatec.

2 Timoteo 1:13

Quiiterelco' dá'maq llicyaxac dá'maq qami' saanem no'uen napaxaguinataxanaxac, chaqai quiisaugui da npi'ỹaxac chaqai da ne'xorenataxanaxa ma' qomi' qoỹaanema, ma' ña'daqatau'a so Cristo Jesús.

2 Timoteo 2:12

quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Santiago 2:7

¿Mesqaino' na'maxare ná'maq ishiuentac da lo'yaxanec leenaxat so Cristo dá'maq ỹaanema qamiri ñi qota'olec?

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.

Apocalipsis 12:11

Ma' na qarqaỹaripi loxonec so'maxare, qaỹachigoxochichiguilo saua leuo' so 'ec qagreta llaalec, chaqai quiyim saua'maxare ỹa'xatesac da na'qaatec. Ma' se no'chi' quiyim na'laañi da nachaalataxague', ta'ta'a quiyim qaica ca liỹa ỹahosaque, qaidaata quiyim ileueralec da na'qaatec.

Apocalipsis 13:2

Sojo isecỹac seuane'ta na'le 'ec na regat. Qam naua lapiaate' 'ec ana layoraxai late'e, chaqai na lap 'ec na sauaxaic leta'a lap. Ca' so isecỹac 'ec naanoc ỹaanem da lquesaxanaxa chaqai yi nqa'xanqa' quiyim nashi, chaqai ỹaanem da chalego lecaic lelaataxanaxac.

Apocalipsis 14:12

Ca' vichiguiño' ỹouen quiyim 'ue ca leualaxavic ná'maq lalamaxareteripi ñi qota'a, chaqai na'xaỹaxana da laqataxaquipi, chaqai ỹaatqajam ỹaqamqata quiyim quelec so Jesús.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 17:6

Ca na'le, ca' yitan dá'maq 'neetari' aso 'aalo: quiñiuguetaxai, quiñiuguetqachit ná'maq leuoripi na lalamaxareteripi ñi qota'a chaqai ná'maq qaỹalauat, sauaxat quiyim ỹa'xatetac so Jesús. Ca na' seuanchigui dajo, ca' ỹaatqajam 'ue da i'laxa.

Apocalipsis 2:2

Ỹim sa'den ná'ogue ná'maq 'viichi'sac, chaqai seuana dá'maq na'ñaaqataxaqui', chaqai da reualaxaviqui'. Chaqai sa'den quiyim se ỹa'ñaxachigui qavilli' na loic na hualoxonyipi. Sa'den qai'neeta quiyim 'guiñi' ná'maq 'naac lelaatqaipi so Jesús, qam sqai llic, ca' 'yiiñi' quiyim na'maxare 'maatqaiquipi.

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Apocalipsis 3:3

No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.