Apocalipsis 19:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' ñi'maxare qaỹa'maxarenta quiyim no'uet ỹanñi ná'maq no'uen nooỹac lino, co'teeta chaqai qashilec. Ma' na lino taỹaugui da 'maxaraic nachaalataxac ná'maq lalamaxareteripi ñi qota'a.

Apocalipsis 19:8 Iomraidhean Croise

Proverbios 31:22

Chaqaca nodajlec ỹo'ueete' naua le'laalqo, chaqai ỹantegueñi ná'maq no'uen nooỹac.

Isaías 61:10

Chalego da la'maxa iuel chaqai 'xoic da ñitoonaxac quiñi qara'gaxala' qota'olec, ma' ñi'maxare 'xoic da lotaanaxanaxac caỹim, ¡ỹaatqajam ỹa'ue da ỹoxonaxanaxac! Shinta ca sham shilo quena' no'ueet ỹanñi aca no'uen nado'o, chaqai aca 'aalo sham shilo ỹañiñi naua no'ueetqate'.

Ezequiel 16:10

sa'ue aso neloxoqui'i' lo'yaxanec na lashic chaqai sa'vii saua qapelachichi' ỹaatqajam lo'yaxanqa; chaqai sa'ue so nosaataxagui'i' chicqaugui na lino chaqai só'maq ỹaatqajam no'uen lo'lo neloxoquiriqui';

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Mateo 22:12

Ca so'maxare 'naapego': “Qam qami' ¿chi'neco' ma' nenoxoñiro, ma' sqai ñi'sañi caua noho 'ueetaxaqui' quiyim qaỹalequetau'a ca shilaq?” Qam so'maxare i'maqatam.

Marcos 9:3

Saua loho ỹaatqajam qashilgue' chaqai ỹaatqajam lalagaxaqa, ỹaatqajam qaica ca qom quena 'laua quiyim quiỹoxon 'nejme' lalacqa' nqai'ne' saua loho.

Lucas 24:4

Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Hechos 1:10

Ca ñaq ra'iisashiguim saua'maxare co'na' nqo'neetashiguim so Jesús, co'na' chaqai huaqatero saua dos ỹale', imerañi lalagaxaqa naua loho, huaqatero quesaua'maxare.

Romanos 13:14

Ta'ta'a quiyim ỹaatqajam 'goxoñiỹa so qara'gaxala' Jesucristo, chaqai totqai 'yiiñiỹapega quiyim quiitalec na se no'uen lamaanaxanqachic na roshicmaxahi.

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.

Apocalipsis 15:6

Ca' casojo no'ueenaxanaxaqui chicqoraugui saua siete nelaatqa piguim lase' sauá'maq i'xatete' saua siete nqa'viico. Ca saua'maxare chicqaugui na lino saua loho ỹaatqajam qashilgue', chaqai 'vii naua nosaataxaqui' 'oro queeterelec ana lotogue.

Apocalipsis 19:14

Ca so'maxare qaicoỹareta'pegue' queso nalliripi piguim laseripi ỹantañi ná'maq no'uen nooỹac lino lalagaxaic chaqai co'teeta. Sá'ogue neetalec na shipgaq lalagaxaic.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.