Apocalipsis 19:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ỹaatqajam saỹaaquioqotac, ñitoonqatac chaqai semaqachinqatac ñi'maxare, ma' mashic ỹovita yi laloqo' quiyim shilo ñi 'ec qagreta llaalec. Chaqai añí'maq loua mashic na'maxatetañi.

Apocalipsis 19:7 Iomraidhean Croise

Salmos 107:42

Na' iuana dajo na qomyipi 'maxataxaraiquipi, ca' netoon, chaqai na hualoxonyipi i'maqata, qaica ca ỹa'xat.

Isaías 62:5

Ma' 'nejem ca ne'necoqui' quiyim shilliguit aca napiitaxaua, ca' chaqaida 'ne'tegue ñi qota'olec icoñiraxaua' quiyim qami' loua, liỹa no'xonshiguim aqami', ca' netoonta'pegue qami', 'nejem cá'maq chita'gue 'on netoonta'pegue aca loua.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Mateo 22:2

—Da lo'ueenataxanaxac ñi qota'a neeta'gue da piguim 'nejem ca nashi ỹo'uet ca lemaqachic quiyim shilo ca llaalec.

Lucas 12:36

'Ñiitam ca nelaatec quiyim nauaanta'guit ca na'co' quiyim novi' chicqa'a ca nashilaxac, qaiyi leuoteta ỹauachigui ca lasom ma' novi' ca'maxare, loqo'm chi roỹaxan.

Juan 3:29

Quiyim 'ue ca shilaq, ca cá'maq ỹaatqajam shilliguit acá'maq nequetegaxai, ca' chaqaica cá'maq nauonaxaua. Qam cá'maq nauochaxaua cá'maq shilo hueetau'e na lahi, ca 'qaatapega. Ca 'xoic da netoonaxac quiyim 'qaatapega só'maq 'on. Ca' chaqaida dá'maq 'neeta caỹim quiyim 'xoic da ñitoonaxac.

2 Corintios 11:2

Ma' ỹim 'eco' 'ue da ico'ualaxanaxac caqamiri, qam dajo ico'ualaxanaxac ỹaatqajam chicqo'ot ñi qota'a. Ma' ỹim sahotaque so'naxanguita qamiri so Cristo, chaqai sahotaque sauegueu'alo qamiri so'maxare, 'nejem aca nequetegaxai se ỹauanapega 'on, ỹalamqa'chiguit ca loua.

Efesios 5:23

Ma' cá'maq loua chaqaica cá'maq 'ec lqahic aca'maxare. Ma' chaqaida dá'maq dajo 'neeta so Cristo lqahic ná'maq mashic icoñiguit da na'qaatec, chaqai qai'neeta nca'laxatec. Ma' chaqaina ná'maq 'eco' loshicmaxa so'maxare.

Efesios 5:32

Ca' dajo sa'xatetac ỹaatqajam chalego lecaic da se re'xogui leloxoỹaxac, ma' dajo ỹa'xat da leloxoỹaxac so Cristo chaqai ná'maq mashic icoñiguit da na'qaatec.

Filipenses 3:3

Ma' ná'maq ỹaatqajam llic qaỹa'ue na netanec na loshicmaxa, ca chaqainaua nauá'maq qomi', ma' chicqochigui so Espíritu Santo quiyim ñqouagaxainqatacot ñi qota'a, chaqai ñitoonqata'gue quiyim qomi' lalamaxarete' so Cristo Jesús. Chaqai se spi'ỹaaqatapega na re'qoochigui qanetanec.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 21:2

Ca' ỹim Juan seuañi'chiguit so na'a' lodegaxat dalaxai Jerusalén, ỹaatqajam co'teeta, chicqashiguim queda piguim, ỹaatqajam chicqo'tot ñi qota'olec, ỹaatqajam qaỹa'maxachichiguiñi, 'ec nqohin da na'maqataxac aca nequetegaxai quiyim ỹovita o'ñiguit ca nauonaxaua.

Apocalipsis 21:9

Ca na'le, ca 'ue so nacpegue' aỹim quesaua siete nelaatqa piguim lase', quesauá'maq no'qoosa'alo saua siete 'taxaqui' no'qaachiguilo quesaua pa'aaterec nqa'viico. Ca 'naac caỹim: —Ỹala'e', sachaxañiraxarom añí'maq napiitaxaua ñí'maq loua ma'le ñi 'ec qagreta llaalec.

1 Samuel 2:1

Ca' da nqouagaxainaxac aso Ana 'neetasa': Qami' ỹa'gaxala', somato'ot qami' añi i'taxanata queda ñitoonaxac, ma' qami' vite da dalaxaic ña'ñaaqataxac. Ca' ỹim nagui seshit setaxaỹa na ñpa'guenaxauaripi, ma' qami' yotauañi'. Ca' ¡ỹim nagui 'ue da iuagaxa!