Apocalipsis 19:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca na'le, ca' saua veinticuatro qo'xoiquipi chaqai saua cuatro ise' nca'leesauec, saua'maxare nqa'paxanchiguit na 'laua. Ca imaqachine' ñi qota'a nqa'xantalec yi nqa'xanqa' quiyim relaataxan. Ca 'neraco' quen: —¡Ajá'a, chaqaida 'neeta dajo! ¡Semaqachinaq ñi qota'olec!

Apocalipsis 19:4 Iomraidhean Croise

Nehemías 5:13

Ca' ỹim sochigoxoi' saua ỹoho, ca' shinac: 'Eda 'ne'tegue ma'le ñi qota'olec quiyim ỹochigoxouec queca la'a' chaqai quená'maq lalamaxareteripi cá'ogue cá'maq se ipacqajñigui da la'qaatec mashic ỹaanec, chaqaida qohine'tegue quiyim qarouootaxana'gue ná'ogue ná'maq hueeto'ot nagui. Ca sá'ogue so qomyipi 'naaco': Ajá'a, chaqaida 'neeta. Ca' imaqachin ñi qara'gaxala'. So qomyipi ỹaatqajam ipacqajanchigui da la'qaatec.

Nehemías 8:6

Ca' so Esdras imaqachin ñi qara'gaxala', ñí'maq qota'olec qaican qalanac. Ca sá'ogue so qomyipi nanojshiguim na lqai'laxat, ca 'naac: Ajá'a, chaqaida 'neeta. Ime, ca' ỹa'chi'iñi naua le'cootal, ỹoviraqta'guit na latap na 'laua. Ca' imaqachin ñi qara'gaxala'.

Salmos 104:35

Ca' ¡ỹaatqajam co'tejlec ma'le na 'laua quena sauaqhuaiquipi! Chaqai ¡tot qaica na hualoxonyipi! ¡Semaqachin ma'le ñi qara'gaxala' quedá'ogue da ñachaalataxac! ¡Ca' ỹaatqajam sqaica lqodoc qaimaqachintac ñi qara'gaxala'!

Jeremías 28:6

—¡Ajá'a, saxanchi' ñi qara'gaxala' ỹo'uet dajo! ¡Saxanchi' ñi qara'gaxala' ipacqajanchiguilo daua ra'qaataxahi' chaqai quiyim qarapilaxate' caua louenqa na no'ueenaxanaxaqui chaqai quiyim pil ná'ogue ná'maq qomyipi qane'xategue na Babilonia!

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

1 Corintios 14:16

Ma' no'm qami' maqachiñi'sac ñi qota'a, qam nodaatec ñi ra'alli', ca no'm na'xaỹaxantac ca saqa'leca ca ỹa'den, ca se ỹalecau'a ca nqouagaxainaxaqui' quiyim 'ỹaañisacot da na'aachicyaxaqui' ñi qota'a, ma' se ỹa'den dá'maq 'xachisac.

Apocalipsis 15:7

Ca na'le, ca' 'óna quesaua cuatro ise', ca 'óna ỹaanem quiñi 'óna quesaua siete nelaatqa piguim lase' 'óna 'taxaqui 'oro, no'qaachigui quedá'maq chalego lecaic nqa'viic chicqo'ot ñi qota'a, ñí'maq sqaica lqodoc da nachaalataxac quenaua'que naua na'xata'.

Apocalipsis 19:1

Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.

Apocalipsis 19:3

Ime, ca' liỹa 'nerac: —¡Semaqachinaq ñi qota'olec! Ma' na lesalaxaripi da ncopatoxoc yijo na'a' sqaica lqodoc nichiitashiguim.

Apocalipsis 19:6

Sa'xaỹaque qai'neeta so 'ec lavillaxac so 'xoic qomyipi, 'ec na lelamaxa na 'xoic lachiuguellipi, 'ec soxonaxa da lelamaxa, 'naacsa': ¡Semaqachinaq ñi qota'olec ñí'maq qara'gaxala' qaica ca qalanac, ma' mashic ỹovita yi laloqo' quiyim ỹoiquentac ná'ogue najo!

Apocalipsis 5:14

Ca' saua cuatro ise' nca'leesauec 'neraco' quen: —¡Ajá'a, chaqaida 'neeta dajo! Chaqai so veinticuatro qo'xoiquipi ỹa'chi'iñi naua le'cootal, ca imaqachin ñí'maq qaica lqodoc da nachaalataxac.