Apocalipsis 19:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ qaiyi a'guii na la'at na nashillipi, chaqai na nouaataxanaq lashillipi, chaqai na 'ñaaxaiquipi, chaqai na la'at na shipiguiripi, chaqai ná'maq qomyipi neetalec, ná'ogue na la'at na qomyipi, nelaatqaipi loqo'm se nelaatqaipi, cocho'qui' loqo'm ná'maq mashic lodegaxat.

Apocalipsis 19:18 Iomraidhean Croise

Jeremías 19:7

Quenajo hua'ñi ma'le, ca seuagaxatac na na'deenaxaquipi na Judá chaqai na Jerusalén. So'uet quiyim na npa'guenaxauaripi lauataxanaxaiquipi loxonec chaqai qanalauajñi, chaqai na la'at qaỹa'ic quena ỹoripi chaqai na iseripi.

Mateo 24:28

Ca cá'maq hueeta'ñi ca leuaxaic, ca' chaqaica ca lapooqo' na ratecsanyipi.

Lucas 17:37

Ca co'na' qara'qaachigui dajo, ca' qainat so'maxare, qohinaco': —Qami' qara'gaxala', ¿canchaqai hua'gue ma'le dajo? Ca' so'maxare 'naaco': —Cá'maq hueeta'gue ma'le ca leuaxaic, ca chaqaica ca hua'ñi ca lapooqo' na ratecsanyipi.

Apocalipsis 11:18

Ca na ỹoreta'oguit qomyipi ro'o, qam ỹovita ca laloqo' quiyim vite ca nouaxanaxaset. Chaqai qai'neeta ỹovita ca laloqo' quiyim michi' na leuaxaiquipi, chaqai quiyim 'ỹaañitem ca nishiue' ná'maq relaataxai'pi ỹa'xatesac da ra'qaachiqui', ná'maq ỹaatqajam nañaanot aqami' quiyim imaqachintac da qadeenaxachi', lodegaxat, loqo'm cocho'qui'. Chaqai ỹovita ca laloqo' quiyim lauachi' ná'maq ralauataxantac quena 'laua.

Apocalipsis 13:16

Qam sqaidaata dajo. Ma' so'maxare ramaxasoxonlec qai'neeta ná'ogue na ñaaqaipioqui' chaqai ná'maq mashic leta'allipi, nesallaxanqaipi chaqai na 'xoraiquipi, chaqai mese nelaatqaipi chaqai na nelaatqaipi, quiyim qaỹo'uet ca netanec queda lqai'laxat loic, loqo'm quena latap.

Apocalipsis 17:16

Ca' saua huañitalo diez lasote so isecỹac lodegaxat se nqo'ta ma'le aso nedequenaxai. Ca' ỹaatqajam qaỹalat, chaqai neetauec nqohin, ca' qaỹa'ic na la'at, chaqai qaỹalataq ma'le queca norec.

Apocalipsis 19:5

Ca' 'ue so sa'xaỹaque nivillaxac 'maqateguelec yi nashi nqa'xanqa', 'naacsa': Maqachiñii ñi qota'olec, qamiá'ogue qamiri ma' mashic 'ueenataxañitacot chaqai ná'maq huelec ñi'maxare, quená'maq collo'olqaipioqui' chaqai ná'maq mashic leta'allipi.

Apocalipsis 6:15

Chaqai na nashillipi quena 'laua nañoxojñi quenaua lauaco chaqai quena qa' quena quemaralec ladocai, liỹaatac ná'maq leta'allipi, na nesallaxanqaipi, na lashillipi na nouaataxanaq, ná'maq quesaxanaxaiquipi, chaqai ná'ogue ná'maq na'aquipi chaqai ná'maq se na'aquipi.

1 Samuel 17:44

Chaqai qai'neeta 'naaco': —¡Na'itquena, ñaq squi'ỹaxanco' na ra'aachi' na qo'o ỹootegueri' chaqai na iseripi!

1 Samuel 17:46

Ca' nagui ñí'maq qara'gaxala' ỹo'uet quiyim qami' ỹoxonec. Ca' nagui quena na'xa'a, ca' salauachi', ca' sichaxauec ñi rqahiqui'. Chaqai ná'maq la'at na nallichi'ipi filisteoipi saanem na ratecsan chaqai na iseripi, qaiyi ná'ogue na qomyipi ỹa'den quiyim 'ue ñi qota'olec quena Israel.