Apocalipsis 19:12 - La'qaatqa ñi qota'olec Qota'olec & Qota'olec Novita Na Qomyipi

¹² Saua nqote' ỹaatqajam ỹaviquetauguilo, 'ec na norec lauaq. Chaqai ỹantañi aso 'xoic nashi nado'ollipi. Chaqai 'ue so neenaxat hueetalec, qam qaisoota so'maxare ỹa'den.

Apocalipsis 19:12 Iomraidhean Croise

Génesis 32:29

Ca' so Jacob inato' so'maxare, 'naaco': —Nagui, ca' choxochirim ca qadeenaxachi'. Qam so ỹale 'naaco': —¿Chi'negue ma' yinachisa'pegue ca ỹeenaxat? Ca na' ime, ca' so ỹale ỹaanem da nqouagaxa so Jacob.

Salmos 8:5

Ma' sham nalo'chiguit nqai'ñi' qami' na'le, chaqai 'ỹaañitem quiyim qaimaqachin chaqai da lichoxoric,

Isaías 62:3

Qami' 'ñiisari' aca no'uen nashi nado'o lo'qoota'a ñi qara'gaxala' qota'olec.

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 21:5

'Ñiỹapega ma'le yi na'a' lodegaxat leenaxat Sión: “Ñaq ra'iiguit ná'maq rashii, naatau'a qamii, ne'xoresentam, neetalec so 'ashinoqui', llaalec ana 'ashina ni'ỹaac lomalate.”

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Lucas 10:22

Ca' 'naapego' so qomyipi, 'naaco': —Ñi ita'a nañaañim ná'ogue na na'deenataxanaxac. Ma' qaica ca ỹa'den negue' najo llaalec, chaqaiñiita ñí'maq leta'a. Chaqai qaica ca ỹa'den negue' ñí'maq leta'a, qainaata ná'maq llaalec, chaqai quecauajo cauá'maq ñi'maxare ỹahotaque ỹa'deenaxanaxanque.

Juan 17:11

Ỹim totqa senalec na 'laua, qam naua'maxare no'ueendalec na 'laua. Ma' ỹim shic saiquena, qaiyi qoma'que quecá'maq senqata'ñi. Qami' ita'a, ma' qami' co'teeta, vise'e da rquesaxanaxa'e' quiyim quepaqataxañiseguelec ná'maq nañaañi', qaiyi ná'ogue neconta'ta', 'neesari' maỹim caqami'.

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Efesios 1:21

ca' pa'xanashiguim napacalec nqai'en ná'ogue na nquesaxanaxa, ná'maq relaataxanac, nashillipi, na'gaxalateripi hueeto'ot na piguim, chaqai ná'ogue ná'maq 'ue ca qaỹamata'gue, quenauá'maq seuqatauguilo na'xata', loqo'm quenaua naasaho na'xata'.

Hebreos 2:9

Qam qomi' seuanaxa so Jesús só'maq ñi qota'a paguec nqo'ñiichiguiñi nqai'en quena lelaatqaipi piguim laseripi, qam se ladoguec. Ca quedá'maq le'xorenataxanaxa ñi qota'a, ca ỹo'uet quiyim ileualec ná'ogue; ca' nagui qoỹanagui da lecaic chaqai da lemaqachic, ma' ỹovirau'a da le'xoric na' ileu.

Apocalipsis 1:14

Chaqai na lqahic laue ỹaatqajam ỹalagaq 'ec na qagreta laue lalagaxaic, loqo'm 'ec ana loñi. Chaqai naua nqote' 'ec norec lauaq.

Apocalipsis 12:3

Na' ime, ca' lotqai re'oq so liỹa netanec quena piguim, 'neetasa': 'Ue so chalego lecaic isecỹac, da no'ueenataxac 'ec na naanoc, toc, siete saua lqahigo', diez aso lasote. Chaqai quiñi 'óna quesaua lqahigo' neetagui ana nashi nado'o.

Apocalipsis 13:1

Ime, ca' ñachajñi seueto'ot na lqodoc aso huaaxai. Ca seuañi'chiguit so isecỹac lodegaxat, chicqochiguiñigui aso huaaxai. Qam so'maxare siete saua lqahigo', chaqai diez aso lasote. Cañi 'óna lasote ỹantagui añi nashi nado'o, chaqai quiñi 'óna lqahic 'ue so neenaxat hueetalec ỹaatqajam npa'guente'e' ñi qota'a.

Apocalipsis 19:16

Chaqai so'maxare qoỹeretalec so lapo' chaqai na loteleta' dajo neenaxat: “Lashi na nashillipi chaqai la'gaxala' na na'gaxalateripi.”

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.

Apocalipsis 6:2

Ca' ya'ỹa'a, ca seuane'ta so shipgaq lalagaxaic. Ca só'maq neetalec so'maxare no'qoota'a aso lo'xoshic. Ca so'maxare qoỹaanem aso nado'o na nashi. Ca' eec, qam chaqa'ma' rauegaxan, chaqai quiyim queeta da lauegaxanaxac.

Jueces 13:18

Qam so nelaatec piguim le'ec 'naaco': —¿Chi'neco' ma' vi'saque 'yiiñi' da ỹeenaxat? Quiyim da'maxare ỹaatqajam se re'xogui chalego loyac.