Apocalipsis 19:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 19:11 Iomraidhean Croise

Salmos 50:6

Ca' na piguim ỹa'xat quiyim ñi qota'olec qaica ca ỹit quiyim imit ca nasauaxaset.

Salmos 96:13

queda reloqota'gue ñí'maq naata qara'gaxala'! ¡Ajá'a, nanac ñi'maxare, ca' ỹoiquentac na qomyipi quena 'laua ma'le, ca' da lo'ueenataxanaxac ỹa'maqachiguiñi chaqai lliqueta!

Salmos 98:9

reloqoto'ot ñi qara'gaxala' novi' quiyim ỹoiquentac na 'laua. Ñi'maxare ỹoiquentac ma'le na qomyipi quena 'laua, ỹa'maqachiguiñi da lo'ueenataxanaxac, ná'ogue naloqojne'ejta'.

Éxodo 15:3

Ñi qara'gaxala' ỹaatqajam nalauataxai. Ñi'maxare ¡chaqaida da leenaxat qara'gaxala'!

Isaías 45:21

Taxahi, nodohiuo cá'maq huañichigui, taxahiỹata', no'm viitaque, ca' chaqaida nqai'ñii: ¿Negue' cá'maq ỹa'xato' dajo na' ñaqai 'avichiguiñi? ¿Nega'ỹo' cá'maq shi'co' ỹa'xat na'le? ¿Mesqaỹim sa'xat na'le, ỹim na'gaxala'? Chaqai qaica liỹa qota'olec ỹoqota'oga caỹim. Ỹoqota'oga caỹim qaica liỹa qota'olec huegaxanaxai chaqai ca'laqataxanaxai.

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Zacarías 1:8

Ca' queso pe, ca' 'ue so iuanaxanaxac: Seuane'ta so ỹale neetalec so shipgaq letogaxaic, nachaatetañi queso ca'megue hueetaugui yi paxaguisat. Ca' queda qoshiita'gue, ca 'ue so liỹa shipiguiripi, 'vii naua letogaxaqa chaqai na toclqaigo' chaqai naua liỹa' lalagaxaqa.

Juan 1:51

Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 19:19

Na'le, ca' seuane'ta só'maq isecỹac lodegaxat chaqai na nashillipi quena 'laua chaqai ná'ogue na nalliripi. Lapoỹata', ma' ỹahotaque nco'ỹa'e' só'maq neetalec so shipgaq chaqai só'maq nalliripi.

Apocalipsis 19:21

Ca só'maq liỹaripi, ca qaỹalauat, qaỹodoota'a so lecat neetagui na lap só'maq neetalec so shipgaq. Ca' ná'ogue ana qo'o quemategue ná'maq la'at saua'maxare.

Apocalipsis 3:14

Qai'neeta lachita ana lere ñi nelaatec reloqota'a yí'maq mashic icoñiguit da na'qaatec neeta'ñi yi Laodicea. 'Ñiraco': “'Neetasa' da la'qaatec ná'maq ỹaatqajam lliqueta, ná'maq ỹaatqajam ipacqajanchigui ca la'qaatec, ñí'maq chicqochigui ná'ogue ná'maq lo'ueenatec ñi qota'a:

Apocalipsis 3:7

Qai'neeta lachita aca lere ñi nelaatec neeta'ñi yi Filadelfia. 'Ñiraco': “'Neeta da la'qaatec ñí'maq ỹaatqajam co'teeta chaqai lliqueta, ñí'maq hueeto'ot ada lauaatqate na lasom ñi lauo' so nashi David, ma' quena' ỹauachigui, ca' qaica ca ishit ỹapogui, chaqai quena' ỹapogui, ca' qaica ca ishit ỹauachigui:

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.

Apocalipsis 6:2

Ca' ya'ỹa'a, ca seuane'ta so shipgaq lalagaxaic. Ca só'maq neetalec so'maxare no'qoota'a aso lo'xoshic. Ca so'maxare qoỹaanem aso nado'o na nashi. Ca' eec, qam chaqa'ma' rauegaxan, chaqai quiyim queeta da lauegaxanaxac.