Apocalipsis 19:1 - La'qaatqa ñi qota'olec Qota'olec & Qota'olec Novita Na Qomyipi

¹ Na' ime dajo, ca sa'xaỹaque so netenegue lavillaxac so 'xoic qomyipi, 'maxashiguim quena piguim, 'naac: ¡Semaqachinaq ñi qota'olec! Ma' da nca'laxa, da lauaq, chaqai da nquesaxanaxa lalamaxarete' ñi'maxare.

Apocalipsis 19:1 Iomraidhean Croise

Salmos 104:35

Ca' ¡ỹaatqajam co'tejlec ma'le na 'laua quena sauaqhuaiquipi! Chaqai ¡tot qaica na hualoxonyipi! ¡Semaqachin ma'le ñi qara'gaxala' quedá'ogue da ñachaalataxac! ¡Ca' ỹaatqajam sqaica lqodoc qaimaqachintac ñi qara'gaxala'!

Salmos 146:1

¡Qaimaqachin ñi qara'gaxala' qota'olec! Semaqachin ñi qara'gaxala' quedá'ogue da ñachaalataxac.

Salmos 148:1

¡Qaimaqachin ñi qara'gaxala' qota'olec! ¡Qaimaqachin ñi qara'gaxala' queda piguim! ¡Qaimaqachin ñi qara'gaxala' queda pa'aashiguim!

Salmos 150:1

¡Qaimaqachin ñi qara'gaxala' qota'olec! ¡Maqachiñii ñi qota'olec quiyi lanatqa'! ¡Maqachiñii quedá'maq lecaic na lo'ueenatec piguim!

Jonás 2:9

Qam ỹim saantacot qami' da ña'aachicyaxac, chaqai queeta saanot qami' aca savigaxat ỹachitaxanataxanqate; chaqai somachichigui ma'le da ỹa'qaatec sepacqajanchigui. ¡Qami' na'gaxala', chaqaqamite' shichi' ca'laqataxañi'!

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.

Apocalipsis 19:6

Sa'xaỹaque qai'neeta so 'ec lavillaxac so 'xoic qomyipi, 'ec na lelamaxa na 'xoic lachiuguellipi, 'ec soxonaxa da lelamaxa, 'naacsa': ¡Semaqachinaq ñi qota'olec ñí'maq qara'gaxala' qaica ca qalanac, ma' mashic ỹovita yi laloqo' quiyim ỹoiquentac ná'ogue najo!