Apocalipsis 18:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca ná'maq nashillipi quena 'laua quená'maq hueeta'piguit aso'maxare queda nedequenaxac chaqai queda lishoxo, noỹentagui ma'le chaqai ỹaualqateguelec, ma' ỹauanchigui so lesalaxaripi so ncopatoxoc aso'maxare.

Apocalipsis 18:9 Iomraidhean Croise

Génesis 19:28

Ca ra'ỹa'gue dá'maq pa'aasa'gue yaua Sodoma chaqai yi Gomorra, chaqai quesá'ogue so ca'megue. Ca iuane'ta na lesalaxaripi quiyá'ogue yijo 'laua mashic 'ec nqatelaxanaxaqui.

1 Timoteo 5:11

Qam sqa lecqajñiuo caca lomalate ana pa'ỹe aná'maq saqa' ỹovite' caua niñaxari. Ma' quena' que'uegue dá'maq chi lqo'itaxanqachic, ca totqai quelec so Cristo, ma' ỹahotaque quiyim liỹa 'on.

Apocalipsis 14:11

Ca' da lichaaxa dá'maq nouaxanaxaset qaica lqodoc, nichiitashiguim naua'que naua na'xata' chaqai naua piri quená'maq imaqachintac so isecỹac chaqai so lqui'i nadenqatec, loqo'm quiyim icoñiguit netanaqsete queda leenaxat.

Apocalipsis 17:2

Na nashillipi quena 'laua mashic niyiquiñiguit añi'maxare. Chaqai ná'maq hueetalec ana 'laua ỹaatqajam quichigui da dequenaxac, 'ec ca qom quiyim qane'taxañigui ca lataxa.

Apocalipsis 18:18

Ca na' iuane'ta so lesalaxaripi na' qaicopata'a yi na'a' lodegaxat, ca' ỹaualqagui, 'naac: —¿Negue' queto' aca liỹa na'a' 'nejem anajo chalego lecaic na'a'?

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 18:3

Ma' ná'ogue na ỹoreta'oguit qomyipi quena 'laua ỹaatqajam quiichigui nqai'en da nedequenaxac aso'maxare, 'ec quiyim qaiquiñiuguetqachit ca liỹa queca lataxa. Chaqai na nashillipi quena 'laua niyiquiñiguit aso'maxare, 'ec nqai'en aca 'aalo. Chaqai na nemeenaxaiquipi quena 'laua resalligui dá'maq chalego lqo'itaxanqachic se no'uen aso'maxare.

Apocalipsis 18:7

'Viichii ca nqa'viic chaqai ca le'xoric, chaqai 'nejem dá'maq 'neeta añi'maxare na' nañaañiguit da maqajnaxac chaqai da lishoxo. Ma' añi'maxare 'naac añi le'taxanata: “Quena senta'ñi ñqa'xantañi, aỹim nashi. Sqaỹim pa'ỹe, chaqai qaica ca i'xoric ma'le.”

Apocalipsis 19:3

Ime, ca' liỹa 'nerac: —¡Semaqachinaq ñi qota'olec! Ma' na lesalaxaripi da ncopatoxoc yijo na'a' sqaica lqodoc nichiitashiguim.

Apocalipsis 2:22

Ca no'm sqai ỹaxanñi dá'maq ỹo'ueetetac añi'maxare, ca' ỹim illaañi nqaishin ca ralolaxa. Chaqai quiyim 'xoic ca le'xoric ná'maq hueeta'piguit añi'maxare.