Apocalipsis 18:13 - La'qaatqa ñi qota'olec Qota'olec & Qota'olec Novita Na Qomyipi

¹³ chaqai na liỹa li'ỹaac na canela, chaqai ná'maq ỹaleque'ejta' lo'daxaraic na lahita, chaqai na nichiinaxanaxat, chaqai na qo'paq louaq mirra, chaqai na coraxat, chaqai na lataxa, aceite, chaqai lo'yaxanec 'aríña, chaqai na trigo; chaqai na iseripi ni'ỹaaquioxola', qagreta, shipgaq, nahoglena, vire'ta na na'ac ná'maq re'qoochigui qom.

Apocalipsis 18:13 Iomraidhean Croise

1 Reyes 10:10

Ime, ca' aso'maxare ỹaanem so nashi so tres mil novecientos sesenta kilos quena 'oro, chaqai ỹaatqajam 'xoic na coraxat lo'daxaraic lahita chaqai na qa' qashilgaxaraic. Ỹaatqajam se ỹauanapega qanoda'a yi Israel yi ỹorete' so coraxat, 'nejem só'maq nodo aso nashi quiyi Sabá, ỹaanem so nashi Salomón.

1 Reyes 10:15

Qam se qanaloqojna'oga añí'maq qaishiuetentac quená'maq liỹa nemeenaxaquipi chaqai ná'ogue na nashillipi quiyi Arabia chaqai ná'maq reloqota'alo naua liỹa' 'lauari quiyi Israel.

1 Reyes 10:25

Chaqai quena' ỹovirec yi ñaaxa, ca ná'ogue nodouo na lame queso'maxare: 'ue na nodouo na lecat leenaxat plata chaqai na 'oro, napoxoqui, no'goxonaxat chaqai na lo'daxaraic lahita, shipiguiripi chaqai na que'lahipi.

Nehemías 5:8

Ca na'le, ca' shintapega so qomyipi: Cá'maq taachi'ñi cá'maq seshitaq quiyim seshitaq yapilaxataxauec na qouo' laseripi judioipi ná'maq qaimeenougui na'le na ỹoqa'a qomyipi. Ca' ¿qamiri lotqai liỹa miiñii, qaiyi qomi' lotqai liỹa ñaqataxauec? Ca sá'ogue i'maqajlem, tot ỹa'den ca ỹa'xat.

Cantares 1:3

lo'daxaqui'chiguit da lahita na nocoraxachi', da qadeenaxachi' coraxat corauec lo'daxaraic lahita. ¡Vichiguiño' qanqo'ta qami' quena 'aallipi!

Cantares 5:5

Ca na'le, ca' ñi'laxashiguim, sahotaque sauate'oga so iqo'itaxat. Quenaua iqai'laqate' chaqai naua ñapoquenal 'ue saua llitaxahi quena qo'paq louaq mirra tarelec ñi naconec ñi lasom. ¡Na' sa'xaỹaque retaqa, ca ñauate'e sham yileueta! Sauate'oga quiñi lasom so iqo'itaxat, qam so'maxare totqai hueete'e yi'maxare. Ca chaqa'ma' sedaantaque, qam se sanata, soỹaxantaque, qam sqai saachiguit.

Amós 2:6

Ca 'neetasa' da la'qaatec ñi qara'gaxala': Na qomyipi quena 'laua Israel ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' imeenta ná'maq sqaica ca lasauaxaset canchi lesega'a nqai'en aca laseuete, chaqai ca 'xoraic qoỹañiguita caua nepelate'.

Amós 6:6

Late'ogue' ana ne'taxaguii quena' ni'chi quena lataxa, viñitac ná'maq no'uen coraxat lo'daxaraic lahita, ¡chaqai 'ec qaica nqai'negue nqai'ñii dá'maq qohinta'gue quiyim qanopoxoỹaxajñi na na'lauahi!

Amós 8:6

¡Ñqo'naxataxauec ca le'xoric na 'xoraiquipi, vire'to' ma' ỹovita quiyim chi nemeenalta' quiyim qara'ac quiyim ishiueten aca la'uale, 'eno'm qaicauate' caua nepelate' la'ualqa! ¡Ca' semeenaq ma'le vire'ta na se no'uen trigo!

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Apocalipsis 18:14

Qohinac ma'le quiyijo na'a': —¡Ca' tot qaca nagui aca lo'daxarai ala acá'maq ỹaatqajam namaañi' quen, chaqai ỹaatqajam na'laañi cá'ogue ca resallaxa'e' chaqai ca no'ueetaxachi' quen!

Apocalipsis 18:15

Ca ná'maq qomyipi lemeenec quen najo, ỹachigoxotaugui da lesallaxa yijo na'a', qoỹoqota'a nqai'en ma' no'cha'a da nouaxanaxaset, noỹentac chaqai naualqategueñi.