Apocalipsis 18:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca na' ime dajo, ca seuane'ta so liỹa nelaatec chicqotashiguim queda piguim, chalego lquesaxanaxa da lelaataxanaxac. Ca' na 'laua re'qojlec nqai'en queso lauaq.

Apocalipsis 18:1 Iomraidhean Croise

Ezequiel 43:2

chaqai seuana da lauaq ñi qota'olec quiyi Israel chicqa'gue da lqodoigue. Ca' 'ue so sa'xaỹaque 'xoic lelamaxa, 'ec da lelamaxa ana lachiugue quena' nqo'ñishiguim na huaxaỹaq. Ca' na 'laua re'qojlec.

Lucas 17:24

Ma' 'nejem quiyim qaiuana ca lauaq ca nqai'legaxa quena' nqai'lliguiñi quená'ogue na piguim, ca' chaqaida 'neeta ma'le ca loviraxac najo ỹale llaalec ma' ỹovirelec quiyim ca na'xa'a quiyim rapil.

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

Apocalipsis 10:1

Ca na'le, ca' seuane'ta so liỹa nelaatec piguim le'ec ỹaatqajam quesaxanaxaic, chicqotashiguim queda piguim, hueetaugui so naueguelec, chaqai na lqahic hueetalec so qoñi'gue. Chaqai na lashic 'nejem na ra'aasa lauaq, chaqai naua lichil 'ec na norec lauaq.

Apocalipsis 17:1

Na'le, ca' naari' so 'óna quesaua siete nelaatqa piguim lase' só'maq no'qoota'alo saua siete 'taxaqui'. Ca 'naapiguiỹa': —Ỹala'e' na'itquena, sachaxanem aqami' dá'maq nouaxanaxaset añí'maq 'aalo ỹaatqajam nedequenaxai, añi'maxare nqa'xantalec na huaaxaipi.

Apocalipsis 17:7

Na'le, ca' so nelaatec 'naac caỹim: —¿Chi'negue ma' 'ue da re'laxa'e'? Ỹim sa'deenaxanaxanegue qami' dá'maq leloxoỹaxac se re'xogui aso 'aalo chaqai só'maq isecỹac lodegaxat neetalec, yí'maq siete naua lqahigo' chaqai diez ana lasote.

Apocalipsis 21:23

Chaqai yi na'a' tot ỹouen ca lauaq añi ra'aasa chaqai ñi shiraigo, ma' chaqaida dá'maq lauaq ñi qota'a chaqai so 'ec qagreta llaalec coỹaresalec.