Apocalipsis 17:8 - La'qaatqa ñi qota'olec Qota'olec & Qota'olec Novita Na Qomyipi

⁸ Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

Apocalipsis 17:8 Iomraidhean Croise

Daniel 7:11

Ca' ỹim sa'ajantac paguec da i'laxa quenauá'maq la'aaqa' saua la'qaatqa só'maq lasote hueetañigui na lavinñi; chaqai na' ñaq sa'ajantac, ca' qaỹalauat só'maq isecỹac lodegaxat, ca qaichaqatajlec. Ime, ca' qainaxañigui yi norec, qaiyi ỹavic.

Daniel 7:26

Qam so nimiitaxanyipi quena nasauaxaset chaqa'ma' ỹa'ue da nouaxanaxaset nqai'en chaqai qarouootaxana'gue ma'le da lquesaxanaxa, ca chaqa'ma' qailliita'anyi, qaỹopoxoỹaxateta.

Daniel 7:3

Ca na'le, ca' chi ne'laqataxanchirishiguim saua cuatro ise' chalego lecaigue', ỹoreta'oguita da no'ueenataxague', nenoxoñishiguim caso huaaxai.

Daniel 7:7

Ca só'maq liỹa isecỹac lodegaxat seuana queso iuanaxanaxac, chalego da lichic, ỹo'uet da nqolonaxa chaqai chalego da lquesaxanaxa. Naua louee late'el nodaachiriñi fierro; ná'ogue ỹalauateta'oguit, ỹopoxoỹaxachigui, chaqai ná'maq no'ueenauec, ca' co'vigui. Sojo isecỹac ỹaatqajam ỹoqa'am queso liỹaripi seuana queso ilaxac, ma' mashic diez aso lasote quena lqahic.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Lucas 10:20

Qam se netooñigue quiyim na ne'ec lecmaxaic na'xaỹaxanalo qamiri, qaidaata quiyim yi qadeenaxachii naneretañi queda piguim.

Lucas 8:31

Ca' sojo ne'ec lecmaxaiquipi ne'xoresene'tot so Jesús quiyim se ilari'ña ca nqa'viinqa' na sauaqhuaiquipi.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Hechos 15:18

Ca' chaqaida 'neeto' da la'qaatec ñi qara'gaxala' ñí'maq ỹo'uet quiyim qaỹa'deene' nauajo nallaaqo'.

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.

Apocalipsis 11:7

Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 17:11

Só'maq isecỹac lodegaxat só'maq nca'leetauco' quen nallaaqo', qam mashic tot qaica, chaqaiso só'maq pa'aatec nashi; 'eno'm so'maxare ỹalequetauguilo saua siete. Ca ma'le, ca' ỹaatqajam ileu.

Apocalipsis 17:2

Na nashillipi quena 'laua mashic niyiquiñiguit añi'maxare. Chaqai ná'maq hueetalec ana 'laua ỹaatqajam quichigui da dequenaxac, 'ec ca qom quiyim qane'taxañigui ca lataxa.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.

Apocalipsis 20:15

Ca' sojo norec qainaxañigui só'maq se naneretalec ca leenaxat aso lere qoỹeretalec ná'maq mashic qanca'laxatec.

Apocalipsis 3:10

Ma' na'xaỹaxañiteta da ỹaqataxac quiyim 'ue da reualaxaviqui'. Ca' quedajo, ca so'ootaxanlec ma'le aqami' quiyim ỹovita ca laloqo' quiyim qai'guen ná'ogue na qomyipi hueetalec ana 'laua.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.