Apocalipsis 17:4 - La'qaatqa ñi qota'olec Qota'olec & Qota'olec Novita Na Qomyipi

⁴ Sojo 'aalo da lashicyaxague' naua loho ỹansañi tocalgoto, chaqai ná'maq ỹaatqajam toc. Nodaachiguiñi 'oro na no'ueetaxat, chaqai na qoỹoqota'a lo'yaxanec lashic qa', chaqai na qa' 'ec ỹaviquetaugui. Lo'qoota'a aso 'taxaqui 'oro no'qaachigui quená'maq qanaqaica'a chicqaugui da lapio'qotaxanaxac da nedequenaxac.

Apocalipsis 17:4 Iomraidhean Croise

2 Reyes 21:2

Qam ná'ogue ná'maq ỹo'uet na'le so'maxare se nqo'ta ñi qara'gaxala', ma' so'maxare chaqaidaata ỹo'ueetetac dá'maq ỹo'ueetetac na'le so ỹoreta'oguit qomyipi só'maq ỹo'daauec ñi qara'gaxala' na'le na' novi' so llaalqaipi so Israel.

Esdras 9:11

quedá'maq laataxañirelec na'le coqomi' quesaua retaxaỹaxaquichi' sauá'maq relaataxahi'. Vite na'le da raqataxaqui' coqomi' quiyim quená'maq 'laua senoxonaxau'a quiyim senqalec, ỹaatqajam se no'uen sauaxat na se no'uen ỹo'ueetetac na qomyipi quena'maxare. Quedá'maq sqaica nqo'ta lanatec mashic no'xataxajlec quená'maq ỹo'ueetetac se no'uen.

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Apocalipsis 14:8

Ca co'uaataxan so liỹa nelaatec, ca 'naac: —Mashic huaañi noxona yi chalego lecaic na'a' leenaxat Babilonia, ma' quiñiuguet nqai'en ná'ogue na qomyipi, quiñiuguichigui da nedequenaxac.

Apocalipsis 18:12

Na li'ỹaac 'oro, plata, na qa' lo'yaxanec, chaqai na qa' 'ec ỹaviquetaugui, chaqai ana lo'yaxana lepate lino, chaqai ana lepate seda, chaqai ana lepate tocalec na lashic, chaqai ná'maq ỹaatqajam toc; chaqai na ỹaleque'ejta' qo'paq lo'daxaraic na lahita, chaqai na nouenec qoñaalec na lashic, qo'paq lo'yaxanec, bronce, fierro, chaqai na lo'yaxanec qa' leenaxat mármol;

Apocalipsis 18:16

Ca' 'naaco' quen: —¡'Agai, chalego le'xoric yí'maq chalego lecaic na'a'! Ma' 'neetari' quen aca 'aalo ỹantañi acá'maq no'uen loxoqui lino, chaqai naua noho tocalgoto chaqai na ỹaatqajam toc, chaqai no'ueetaxat na 'oro, chaqai na qa' lo'yaxanec, chaqai na qa' 'ec ỹaviquetaugui.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 21:21

Ca' saua doce lasomi' sá'ogue 'ue na lauaq, ma' no'ueetaxat na qa' 'ec ỹaviquetaugui, quiñi 'óna lasom nodaachiguiñi najo qa' na lo'ueetaxat. Chaqai só'maq nayic quiichiguiñigui na lavinñi yi na'a' ỹaatqajam nodaachiguiñi 'oro, 'ec na chaañi richaauec.

Apocalipsis 9:21

Chaqai qai'neeta sqai ỹaxanñi da lalauataxanaxac, da le'naxanaxac, chaqai da nedequenaxac, chaqai da locataxac.