Apocalipsis 17:3 - La'qaatqa ñi qota'olec Qota'olec & Qota'olec Novita Na Qomyipi

³ Ca na' ñaq sa'ajantac só'maq iuanaxanegue nqai'en aỹim so Espíritu Santo, ca' so nelaatec piguim le'ec yauega yi 'laua sqaica qom. Ca' quiyi, ca' seuana aso 'aalo neetalec so isecỹac lodegaxat, toc, naneretalec ná'ogue na loshicmaxa na nenqateripi se nqo'ta ñi qota'a. So'maxare siete saua lqahigo', chaqai diez aso lasote.

Apocalipsis 17:3 Iomraidhean Croise

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

2 Reyes 2:16

Ca' qohinaco' queso'maxare: —'Ajñi', qomi' nallichi'ipi, qomi' cincuenta 'ñaaxaiquipi. 'Maxariñite' quiyim sedaanqaque ca napaxaguinqochi', ma' sqoue quiyim so ne'espíritu ñi qota'olec i'xajshiguim, ca 'ue ca inaxalec cana quemaralec qa' ladocai, loqo'm ca no'ueenaxa. Qam so'maxare 'naaco': —'E', qaico' ca larii.

Ezequiel 11:24

Ime, ca' da lquesaxanaxa ñi qota'olec yi'xajshiguim, ca yopilaxategue da Babilonia yí'maq hueeta'ñi so iỹaripi quiyi ỹoqa'a 'laua. Dajo viichigui na'le so iuanaxanaxac quiyim so ne'espíritu ñi qota'olec yiuanaxanaxanegue. Ime, ca' palac.

Ezequiel 3:12

Ca na'le, ca' da lquesaxanaxa ñi qota'olec yi'xajshiguim, ca' queda sqoshiita'gue 'ue so sa'xaỹaque 'ec na nalataxa da lelamaxa na' nachipishiguim da lquesaxanaxa ñi qara'gaxala'.

Ezequiel 8:3

Ca' so ỹale ỹeguec so 'ec lqai'laxat, ca' iconougui na iue. Ca na'le da lquesaxanaxa ñi qota'olec, ca yi'xajshiguim. Ca' 'ue so iuanaxanaxac chicqo'ot ñi qota'olec yi'xategue da Jerusalén, ca yilla'ñi ñi lasom pa'aauo quiyi na'a' reloqota'gue da rapiguim yí'maq hueeta'ñi so nashiilec só'maq ỹo'uet da lauel ñi qara'gaxala'.

Daniel 7:20

Chaqai qai'neeta sahotaque paguec sa'deenta cá'maq 'neete' saua diez lasote chaqai cá'maq 'neeta aso lasote paguec cocho'lli', só'maq 'vii naua nqote' chaqai 'ue lap, chaqai chalego lquesaxanqa' naua la'qaatqa, ca vire'ta 'ec paguec lecaic queso liỹa lasotellipi, chaqai saua tres lasotel qanaqate' quiyim qaỹa'ue loma'.

Daniel 7:25

So'maxare queu'a ma'le ñi qota'olec qaica nqai 'nejem, chi ỹovireta'a ma'le quiyim ỹa'llaxat na lalamaxareteripi ñi'maxare; ỹahotaque ỹadalaxat ma'le da lelaataxanaxac ñi qota'olec chaqai naua lemaqachico quiyim qaimaqachin ñi'maxare, chaqai ná'maq lalamaxareteripi ñi qota'olec qoỹoiquentac ma'le queso'maxare quesaua tres ñaxari chaqai seis shiriguiri.

Daniel 7:8

Ca na' ñaqai sa'ajanta'pe saua lasote, ca seuane'ta aso liỹa lasote chicqochiguiñiguilo saua'maxare, qam paguec cocho'lli'. Ca na'le, ca' qano'chiquishiguim saua tres lasote, qaiyi qaỹa'ue loma' só'maq co'uaataxanaxaic nenoxonshiguim. So'maxare 'vii nqote' 'ec na qom, ca 'ue so lap retaqatac, chalego lque'gue' naua la'qaatqa.

Mateo 27:28

Ime, ca' qanaqate' saua loho, ca' qoỹañigui aso lachima ladocai toc.

Hechos 8:39

Ca co'na' nenoxoñishiguim quiyi huaxaỹaq, ca so ne'Espíritu ñi qara'gaxala' i'xat so Felipe. Ca só'maq nelaatec tot liỹa iuana, qam ipaca qui'ñigui so nayic, netoontac.

2 Tesalonicenses 2:4

'Eca cá'maq pa'guenaxaua, ma' nachajñi, ca' npa'guene'e' ná'ogue ná'maq ỹodootac da leenaxat ñi qota'a, chaqai ná'maq qanqouagaxaintacot, chaqai ỹovireta'a quiyim nqa'xanlec ca qouagaxainqa' quena' qanqouagaxainot ñi qota'a. Ca' chaqaica cá'maq 'ec qota'a, chaqai 'naac chaqaica cá'maq qota'a.

Apocalipsis 1:10

Chaqai hueetougui so na'xa'a quiyim qaimaqachin so qara'gaxala', ca na' ỹovita aỹim so lquesaxanaxa so Espíritu Santo. Ca' 'ue so sa'xaỹaque nivillaxac ỹaatqajam lam, 'maqa'tegue da ilaq, da lelamaxa 'ec aca npe'te.

Apocalipsis 12:14

Qam aso 'aalo qoỹaanema saua dos late'el laua' na ho'ic, qaiyi ishit ỹo, taỹa yi chi loma' quiyi 'laua qaica qom, ca qoỹoqo'ta so 'ec nanaic. Ca' yí hua'ñi, ca chi qaiqui'ỹaxantac quesaua tres ñaxari chaqai so lavinñi so liỹa ñaaxa.

Apocalipsis 12:3

Na' ime, ca' lotqai re'oq so liỹa netanec quena piguim, 'neetasa': 'Ue so chalego lecaic isecỹac, da no'ueenataxac 'ec na naanoc, toc, siete saua lqahigo', diez aso lasote. Chaqai quiñi 'óna quesaua lqahigo' neetagui ana nashi nado'o.

Apocalipsis 12:6

Ca' asó'maq 'aalo 'eet, quepegue' yi 'laua qaica qom, yí'maq hua'ño' ca loma' qaỹa'maxatetañi quiñi qota'a. Ca' chi qaiqui'ỹaxantac quecaua mil doscientos sesenta na'xata'.

Apocalipsis 17:18

Ca só'maq 'aalo huañita na'le chaqaso asó'maq chalego lecaic na'a' só'maq ỹoiquentac ná'ogue na nashillipi quena 'laua.

Apocalipsis 17:4

Sojo 'aalo da lashicyaxague' naua loho ỹansañi tocalgoto, chaqai ná'maq ỹaatqajam toc. Nodaachiguiñi 'oro na no'ueetaxat, chaqai na qoỹoqota'a lo'yaxanec lashic qa', chaqai na qa' 'ec ỹaviquetaugui. Lo'qoota'a aso 'taxaqui 'oro no'qaachigui quená'maq qanaqaica'a chicqaugui da lapio'qotaxanaxac da nedequenaxac.

Apocalipsis 18:12

Na li'ỹaac 'oro, plata, na qa' lo'yaxanec, chaqai na qa' 'ec ỹaviquetaugui, chaqai ana lo'yaxana lepate lino, chaqai ana lepate seda, chaqai ana lepate tocalec na lashic, chaqai ná'maq ỹaatqajam toc; chaqai na ỹaleque'ejta' qo'paq lo'daxaraic na lahita, chaqai na nouenec qoñaalec na lashic, qo'paq lo'yaxanec, bronce, fierro, chaqai na lo'yaxanec qa' leenaxat mármol;

Apocalipsis 18:16

Ca' 'naaco' quen: —¡'Agai, chalego le'xoric yí'maq chalego lecaic na'a'! Ma' 'neetari' quen aca 'aalo ỹantañi acá'maq no'uen loxoqui lino, chaqai naua noho tocalgoto chaqai na ỹaatqajam toc, chaqai no'ueetaxat na 'oro, chaqai na qa' lo'yaxanec, chaqai na qa' 'ec ỹaviquetaugui.

Apocalipsis 21:10

Ca quedá'maq iuanaxanaxac ỹachaxañim so Espíritu Santo, ca' so nelaatec piguim le'ec yavicshi'megue aso quemaralec qa' ladocai, ca' ỹachaxañim so chalego lecaic na'a' Jerusalén, ỹaatqajam co'teeta, chicqashiguim queda piguim, chicqo'ot ñi qota'a.

Apocalipsis 4:2

Ca na' noviriñi da lquesaxanaxa so Espíritu Santo, ca' seuana yi nashi nqa'xanqa' hueeta'gue da piguim. Ca' quiyijo qa'xanqa' 'ue so nqa'xanta'ñi.