Apocalipsis 17:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 17:14 Iomraidhean Croise

Salmos 110:5

Ñi qara'gaxala' qota'olec hueeta'gue da qatoiqui'; queca na'xa'a ma' ro'o, ca nalauajñi ma'le na nashillipi;

Jeremías 1:15

Ỹim na'gaxala' se'taxajñi quiyim llic nqaishin dajo: quiyim soỹaxana ma'le ná'ogue na ỹoreta'oguit qomyipi na'gue da rapiguim. Ca' nanac ma'le na lashillipi, ca illa'ñi na nqa'xanaxaquiripi ñi lasom ñigo quena Jerusalén, hueeto'ot nqaishin yí'maq lquepaqataxanaxat ỹapootau'a chaqai quenaua'que naua na'aate' quiyi 'laua Judá.

Jeremías 1:19

Yi'maxare nco'ỹa'e' qami' ma'le, qam sqaica lovi', ma' ỹim seuetau'e rahi'i' ma'le, squepaqataxanlec qami' ma'le. Ỹim na'gaxala' qota'olec, saanec da ỹa'qaatec.

Daniel 7:21

Ca na'le, ca' seuane'ta só'maq lasote cocho'lli' reloquita'pegue' na lalamaxaret ñi qota'olec, ca loxonec quen,

Zacarías 2:8

Ñi qara'gaxala' sqaica lqalanec yila', yilarelec da la'qaatec quiyim npa'guene'e' ná'ogue ná'maq ỹoreta'oguit qomyipi quená'maq rouootaxana'gue ca rouenaxahipi, 'naac: Canchaqaica se ỹa'maxata'gue na ỹalamaxareteripi, se ỹa'maxata'gue ná'maq ỹauochaqateripi. Vichiguiño', ca' ỹim ñco'ỹa'e' ná'ogue ná'maq ỹoreta'oguit qomyipi, ca so'uet quiyim ná'maq chi la'aquipi rouootaxana'gue na louenqaipi. Ca' chaqaida 'neeta ma' ỹachaxan ma'le da lauaq ñí'maq qara'gaxala' sqaica lqalanec, qaiyi qamiri 'yiiñii ma'le quiyim chaqaiñi ñí'maq yila'. (2.10-13 Qaiuana da lca'laqataxanaxac ñi qota'olec.)

Mateo 22:14

Ma' 'xoic ná'maq noỹaxanaxat, qam sqo vito'olqai' nauá'maq nca'acse'.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Romanos 1:6

Ca quena'maxare, ca' lliguitaho qamiri, ma' qai'neeta qamiri loỹaxanqate' ñi qota'a, quiyim qamiri lalamaxarete' nqai'en so Jesucristo.

Romanos 8:30

Ca ná'maq 'auaxaic lca'acseripi ñi qota'a, qai'neeta roỹaxana. Chaqai quená'maq roỹaxana ñi'maxare, qai'neeta ỹanagui quiyim ñi'maxare icoñi'chiguit chaqai ỹa'maxarenta quiyim nouanau'a da lauaq ñi'maxare.

Romanos 8:37

Qam quedá'ogue dajo senoxonaxatqauec quiyim qomi' quesaxanaxaqa, qam da qarquesaxanaxa chicqo'ot só'maq i'xorene' qomi'.

1 Corintios 15:24

Ca' ma'le, ca' novi' ca nqodoc. Ca ma'le, ca' so Cristo nopoxoỹaxajñi ná'ogue na lquesaxanaxa na ỹoreta'oguit relaataxantaquipi neta'allipi se re'xogui queda piguim. Ca hua'ñi, ca' ỹaanot da lo'ueenataxanaxac quiyim ỹoiquentac ná'ogue najo ñi qota'olec.

1 Timoteo 6:15

Qam ma' ỹovita ca laloqo', ca' ñi qota'a ỹachaxan ma'le so'maxare, ma' ñi'maxare qaiñiita, hueeto'ot da na'maxa, chaqai da nquesaxanaxa. Ñi'maxare lashi na nashillipi chaqai la'gaxala' na na'gaxalateripi.

2 Timoteo 2:4

Ma' qaica ca nouaataxanaq le'ec queetalec cá'maq chi lo'ueenataxanaxac, ma' mashic hueeta'ñot da lelaataxanaxac ca nouaataxanaq lashi.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 11:7

Ca noma' ỹomate' dá'maq ỹo'ueetesac, ca' nenoxonshiguim so isecỹac lodegaxat chicqa'ña yi lapooqo' na lqui'i na leuaxaiquipi. Ca reloquia'to saua dos, ca loxonqa ma'le, ca' ỹalauate'.

Apocalipsis 16:14

Ca' sauajo sauá'maq lelaatqa so na'ỹaapec sauá'maq ỹo'ueetesac ná'maq chalego lecaic netanqaipi. Chaqai que', lapoondeta' ná'ogue na nashillipi quena 'laua, ỹa'maxatetañi queca chalego lecaic na'xa'a quiyim nalauate'e' ñí'maq qota'a sqaica lqalanec.

Apocalipsis 2:10

Qam se ro'chita dá'maq qohine'tegue ma'le caqami'. Ma' so na'ỹaapec 'ue ma'le ca coñi' cañi ncoñiitaxanaxaqui caqamiri, qaiyi qamiá'ogue qari'guiñii ma'le. Chaqai 'ue ca re'xoriguii ma'le quecaua diez na'xata'. Qam ỹaatqajam lo'qo'ichiriñi da rpi'ỹaxaqui', ỹovireta'a quiyim rillivi'. Ca ỹim saanem qami' ma'le da nca'laxa 'ec nishivichi'.

Apocalipsis 2:13

Ỹim sa'den ná'ogue ná'maq 'viichi'sac, chaqai sa'den quiyim lliquisaugui ná'maq qomyipi qoỹoiquentac queso na'ỹaapec. Qam qaiyiita ỹaatqajam qui'terelec aỹim, sqai 'xañiriñi quiyim vi'relec aỹim, vire'ta quesaua na'xata' na' qaỹachigoxotetouguilo qamiri so qamaxaraic itaxaỹaxanqajnec Antipas quiyim qaỹalauat, quená'maq hueete'e so na'ỹaapec.

Apocalipsis 3:21

Ca cá'maq rauegaxan, ca' sa'ue ma'le ca loma' quiyi ñqa'xanqa' quiyim nashi, 'nejem aỹim ma' sauegaxan, ca ñqa'xanñi cañi nqa'xanaxaqui ñi qota'olec.