Apocalipsis 17:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Só'maq isecỹac lodegaxat só'maq nca'leetauco' quen nallaaqo', qam mashic tot qaica, chaqaiso só'maq pa'aatec nashi; 'eno'm so'maxare ỹalequetauguilo saua siete. Ca ma'le, ca' ỹaatqajam ileu.

Apocalipsis 17:11 Iomraidhean Croise

Apocalipsis 13:10

Ná'maq coñi' ca liỹa, ca na'maxare qai'neeta qaicoñi'. Chaqai ná'maq ralauataxana ca lecat, na'maxare qai'neeta qaỹalauat qaỹodoota'a ca lecat. Ca' vichiguiño' ná'maq lalamaxareteripi ñi qota'a ỹouen ca leualaxavic chaqai ca lpi'ỹaxac.

Apocalipsis 13:12

Chaqai hueeto'ot da lelaataxanaxac só'maq 'auaxaic isecỹac, ca ỹa'ajantac nqai'en so'maxare. Ca' quiyi, ca na 'laua chaqai ná'ogue ná'maq hueetalec ana'maxare imaqachintac só'maq 'auaxaic isecỹac, só'maq qaileuapeguem so lcoñiraxa, qam imeuec.

Apocalipsis 13:3

Chaqai quena lqahic só'maq isecỹac 'ec 'ue so lcoñiraxa ralauataxan. Qam imeueco' na'le so lcoñiraxa, ca' ná'ogue na qomyipi quena 'laua ỹaatqajam 'ue da le'laxa, ca' quegue so isecỹac lodegaxat.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.