Apocalipsis 17:1 - La'qaatqa ñi qota'olec Qota'olec & Qota'olec Novita Na Qomyipi

¹ Na'le, ca' naari' so 'óna quesaua siete nelaatqa piguim lase' só'maq no'qoota'alo saua siete 'taxaqui'. Ca 'naapiguiỹa': —Ỹala'e' na'itquena, sachaxanem aqami' dá'maq nouaxanaxaset añí'maq 'aalo ỹaatqajam nedequenaxai, añi'maxare nqa'xantalec na huaaxaipi.

Apocalipsis 17:1 Iomraidhean Croise

Isaías 1:21

¡Qami' na'a' lodegaxat, quesom qami' qamaxaraic, qam nagui vichirau'a quiyim 'ec qami' nedequenaxai! Quesom ná'ogue na qauochi' ỹo'ueetetac da ỹa'maqachiguiñi chaqai ỹaatqajam ne'maxateta, qam nagui nodaachiguiñi na lauataxanaxai ná'maq 'ue.

Ezequiel 31:4

Na ỹaxat chaqai na huaxaỹaq quena 'laua rotauañi' queda qachaxataxaqui'; naashiguim ana lachiugue quená'maq hua'ñi na' qarayañiriñi; na la'uaxaquipi ỹaquitaxachi'ñot ná'ogue ana qo'paq quiyi 'laua.

Lucas 24:32

Ca saua'maxare retaxaỹata', 'neraco': —¡Ỹaatqajam llic mashic ỹaviquetauguilo nqai'ne' naua qare'taxanata na' ñanaguinqata'gue na nayic, na' ichoxotetapeguema qomi' da leloxoỹaxac naua nerecse' la'qaatqa ñi qota'olec!

Lucas 9:30

Ca' quiyi, ca re'xoi' saua dos qomi' retaqata'pegueto so'maxare. Qa' chaqaisauo' saua Moisés chaqai so Elías.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.

Apocalipsis 15:1

Ca seuane'ta quena piguim aso liỹa chalego lecaic netana ỹo'uet da ne'laxa: Siete saua nelaatqa piguim lase' i'xatete' saua siete pa'aaterec nqa'viico. Ca' quesaua, ca' ỹovita ca lqodoc ca lonogoxonaxac ñi qota'a.

Apocalipsis 16:19

Só'maq chalego lecaic na'a' secta'chi, tres lahil nqohin. Chaqai ná'ogue na na'a' quena 'laua ná'ogue 'guiñi. Ca' ñi qota'a ỹo'leenta'a so chalego lecaic na'a' Babilonia quiyim 'ec ne'taxañigui ca nouaxanaxaset cá'maq nelata na'le ñi'maxare na' ro'o.

Apocalipsis 18:1

Ca na' ime dajo, ca seuane'ta so liỹa nelaatec chicqotashiguim queda piguim, chalego lquesaxanaxa da lelaataxanaxac. Ca' na 'laua re'qojlec nqai'en queso lauaq.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 19:9

Ca na'le, ca' so nelaatec piguim le'ec 'naac caỹim: —'Chiriñi: “Chalego loyac quená'maq nalecseripi queca lemaqachic so 'ec qagreta llaalec ma' shilo.” Ca 'naac caỹim: —Dauajo dauá'maq ỹaatqajam lliquete' la'qaatqa ñi qota'a.

Apocalipsis 21:15

Ca só'maq nelaatec piguim le'ec só'maq yitaxaỹaxantac quen, 'ue so lo'qoota'a naloqojnaxanaxat 'oro quiyim qanaloqochin yi na'a', saua lasomi', chaqai so lquepaqataxanaxat.

Apocalipsis 21:9

Ca na'le, ca 'ue so nacpegue' aỹim quesaua siete nelaatqa piguim lase', quesauá'maq no'qoosa'alo saua siete 'taxaqui' no'qaachiguilo quesaua pa'aaterec nqa'viico. Ca 'naac caỹim: —Ỹala'e', sachaxañiraxarom añí'maq napiitaxaua ñí'maq loua ma'le ñi 'ec qagreta llaalec.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.