Apocalipsis 16:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' ná'ogue ỹaatqajam ỹaviqueta nqai'en. Qam se netacocha, chaqai se imaqachin ñi qota'a. Ta'ta'a quiyim 'ue na ỹa'xat se no'uen npa'guente'e' ñi'maxare, ñí'maq 'ue da lquesaxanaxa quiyim ilate' naua nqa'viico.

Apocalipsis 16:9 Iomraidhean Croise

Isaías 1:5

Qamiri viitaque ypa'guiñitac, qam quena roshicmaxahi tot qaica ca no'ueenta. Ná'ogue na rqahiguii coñirqata, chaqai na'laañi cá'ogue ca rquesaxanaxahi.

Lucas 13:3

Ỹim shinac 'e'. No'm qamiri se retacochahi, qamiá'ogue 'ñiita ma'le caua'maxare.

Lucas 13:5

Ca' shinapegalo qamiri 'e'. Ma' qamiri qai'neeta no'm se retacochahi, ca' qamiá'ogue 'ñiita ma'le caua'maxare.

2 Corintios 12:21

Chaqai 'ue da itelaxa quiyim ma' liỹa sovitalo qamiri, ca' ñi qota'olec ỹo'uet quiyim ñauata'guit ca ỹayiloxo nqai'en caqamiri, chaqai quiyim 'xoic ca ñoỹenlec caqamiri quiyim shi'gom na rasauaxashichii, chaqai saqa' 'xañiñi na napio'xot da chaalataxac, chaqai da dequenaxac, chaqai quiitalec na ramaanaxanaxahi quenanchaqaina.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 14:7

Ca nelamaxaren quena' retaqa, 'naacsa': —Ỹaatqajam 'ue nqai 'negue nqai'ñii ñi qota'a, 'ỹaañiỹot da remaqajnataxanaxahi, ma' mashic ỹovita yi laloqo' quiyim ñi'maxare imit na nasauaxaset. Maqachiñii ñí'maq lo'ueenatec na piguim chaqai na 'laua, ana huaaxai chaqai na ne'paxantashiguim na le'ec huaxaỹaq.

Apocalipsis 16:21

Qai'neeta nac aso qalachi late'ogue', chicqo'ot na piguim, taalec na qom. Ỹovi' cuarenta kilos que'óna. Ca na qomyipi 'ue na ỹa'xat se no'uen quiñi qota'a quesojo nqa'viic caso qalachi, ma' mashic chalego lecaic dá'maq nouaxanaxaset.

Apocalipsis 2:21

Ca' ỹim mashic sa'ue so ledaaqa' quiyim netogochigui na lauel, ca' ỹaxanñi da no'ueenataxac. Qam se netogot, ca' sqai ỹaxanñi da nedequenaxac.

Apocalipsis 9:20

Qam quená'maq no'ueenañi qomyipi se ileuapeguema saua nqa'viico, ñaqaina queetalec quiyim ỹo'ueetetac na se no'uen, chaqai sqai ỹaxanñi quiyim pe'eetapega na lelaatqaipi se re'xogui so na'ỹaapec, chaqai na nashiilec nqolac 'oro, plata, bronce, qa', chaqai na qo'paq, ná'maq se ishit reuanaxan, sqa 'qaa, chaqai se qaua.