Apocalipsis 16:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so liỹa nelaatec piguim le'ec co'taxachigui aso 'taxaqui, ỹocorelec añi ra'aasa. Ca' añi ra'aasa qoỹaanem quiyim ỹavigaxat na qom quena lauaq.

Apocalipsis 16:8 Iomraidhean Croise

Jonás 4:8

Ca co'na' nenoxonshiguim aso ra'aasa, ca' ñi qota'olec nac nqai'en so nonot pa'e chicqa'gue da lqodoigue. Ca so'maxare tajlec so npa'ỹaaxa, ca' chita'co' quen ileueta, ca' ỹahotaco' quiyim ileu. Ca 'naaco': —Paguec la'maxa queta' yileu, mesqai 'nejem quiyim yca'leetauec.

Mateo 13:6

Qam co'na' nenoxonshiguim añi ra'aasa, ca co'na' pa'eelec, ca rashivi, ma' qaicaua caua lpa'yii. Ca ỹaso.

Lucas 21:25

Ca 'uo' ma'le ca netanqaipi cañi ra'aasa, chaqai ñi shiraigo, chaqai cana huaqajñipi. Chaqai na ỹoreta'oguit qomyipi hueetalec ana 'laua ỹaatqajam se ỹa'den ca 'neeta, chaqai ỹaatqajam no'chi, ma' paguec lichic na lelamaxa na lo'paxa aso huaaxai.

Hechos 2:20

Añi ra'aasa ñigui napalaxa, chaqai ñi shiraigo 'ec leuoripi, ma' saqa' novi' ca chalego lecaic na'xa'a ma' ro'ueenataxan ñi qara'gaxala'. Cajo na'xa'a lodegaxat, qaica 'nejem loyac.

Apocalipsis 14:18

Ca' nenoxonec so liỹa nelaatec piguim le'ec chicqojlec ada ncopatoxonaxalate, hueeto'ot quiyim ilarac so norec. Ca' netenegue da loỹaxanaxac na' roỹaxana só'maq lo'qoota'a so lichaqsoxonaxat, 'naacsa': —'Ueenataxañita na richaqsoxonaxachi' ỹaxaraic, ca lapooñi' ana laxale ana 'uva mashic ỹiita hueetalec ana 'laua.

Apocalipsis 6:12

Ca na' só'maq qagreta llaalec ỹauachigui aso liỹa netanaxanqate, ca ya'ỹa'a, ca' 'ue so nalataxa idaxanac na 'laua. Ca naue' añi ra'aasa 'ec na nooỹac laueraxaic. Ca ñá'ogue ñi shiraigo toc, 'ec leuoripi.

Apocalipsis 7:16

Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.

Apocalipsis 8:12

Ca' so liỹa nelaatec piguim le'ec pi'chigui aso lpe'te, ca 'om nalahi añi ra'aasa chaqai ñi shiraigo. Chaqai quecaua tres, 'óna añi 'om caná'ogue ana huaqajñi, ca sham lavinñi yi na'xa'a chaqai yi pe 'ue so napalaxa.

Apocalipsis 9:2

Ca na' ime, ca ỹauachi'ña caso tema. Ca' quiyi, ca taashiguim na lesalaxaripi 'ec chicqaugui ca chalego lecaic nqatelaxanaxaqui. Ca' so lesalaxaripi aso tema, ca chicqochigui 'ue so napalaxa, ma' ỹapolec añi ra'aasa chaqai ná'ogue.