Apocalipsis 16:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qai'neeta 'ue so sa'xaỹaque 'maqateguelec ada ncopatoxonaxalate, 'naac: —Ajá'a, qami' ỹa'gaxala', qami' qota'olec qaica ca qalañirac, ỹaatqajam lliquete' chaqai ỹalamrete' naua leloxoỹaxaco da rouaxanaxanaxaqui'.

Apocalipsis 16:7 Iomraidhean Croise

Isaías 6:6

Ca' quiyi na'le, ca' 'ue so 'óna quesauá'maq ỹaviquetauguilo naỹo'ña aỹim, lo'qoota'a aso poqo ỹachigoxotalec ada ncopatoxonaxalate, ỹahote'e aso leconaxanqate.

Apocalipsis 1:8

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Apocalipsis 13:10

Ná'maq coñi' ca liỹa, ca na'maxare qai'neeta qaicoñi'. Chaqai ná'maq ralauataxana ca lecat, na'maxare qai'neeta qaỹalauat qaỹodoota'a ca lecat. Ca' vichiguiño' ná'maq lalamaxareteripi ñi qota'a ỹouen ca leualaxavic chaqai ca lpi'ỹaxac.

Apocalipsis 14:10

ca ca'maxare ni'chigui nqohin dá'maq chalego lecaic nouaxanaxac ma'le chicqo'ot ñi qota'a, dá'maq qaỹa'maxatetañi 'ec hueetagui añi 'taxaqui dá'ogue da lonogoxonaxac ñi qota'a. Ca' qaỹo'uet ma'le ca le'xoric, qaỹodoota'a ca norec chaqai ca quiquiaxaic ỹaviquetaugui, ỹa'ajantac nqohin na lelaatqaipi ñi qota'a chaqai so 'ec qagreta llaalec.

Apocalipsis 14:18

Ca' nenoxonec so liỹa nelaatec piguim le'ec chicqojlec ada ncopatoxonaxalate, hueeto'ot quiyim ilarac so norec. Ca' netenegue da loỹaxanaxac na' roỹaxana só'maq lo'qoota'a so lichaqsoxonaxat, 'naacsa': —'Ueenataxañita na richaqsoxonaxachi' ỹaxaraic, ca lapooñi' ana laxale ana 'uva mashic ỹiita hueetalec ana 'laua.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 6:9

Ca na' so qagreta llaalec ỹauachigui aso liỹa netanaxanqate, ca seuane'ta na lqui'illipi ná'maq qaỹalauato' na'le sauaxat quiyim ipaquichigui i'taxajñi nqai'en da la'qaatec ñi qota'a. So'maxare hueeta'ñi yi pa'aañi caso ncopatoxonaxalate.