Apocalipsis 16:5 - La'qaatqa ñi qota'olec Qota'olec & Qota'olec Novita Na Qomyipi

⁵ Na' ime, ca' sa'xaỹa só'maq nelaatec piguim le'ec ỹoiquenac na huaxaỹaq, 'naacsa': —Ỹaatqajam ỹa'maqachiguiñi dá'maq 'neeta nqai'ñi' da nouaxanaxaset, qami' qara'gaxala', qami' qota'olec ỹaatqajam qami' co'teeta, ma' 'ue qami', chaqai chaqai'eno' quen 'ue qami'.

Apocalipsis 16:5 Iomraidhean Croise

Génesis 18:25

Ca' ¿shichi' lauachi' qai'neeta cá'maq sqaica ca lasauaxaset, queeta'ñi' cá'maq sauaqhuaic? ¡Sqai 'ñitetegue dajo quiyim caua'que sqaica ca qohineguelo! Qami' ma' qaica ca 'nejem aqami' quiyim michi' ca nasauaxaset quená'ogue na hueetalec ana 'laua. Ca' ¿sqai shichi'o' daañiraque ca la'maqa' dajo?

Juan 17:25

Qami' ita'a 'maxaraic dá'maq 'viichi', na qomyipi hueetalec na 'laua se ỹauanapega qami', qam ỹim seuañiraxaua', chaqai nauajo shi'gue ỹa'deene' quiyim qami' yilachi'.

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,

Romanos 3:5

Qam no'm dá'maq qareualoxonqaishic re'oq nqai'en quiyim ñi qota'olec ỹo'ueetetac da ỹa'maqachiguiñi, ca ¿nega'ỹo' ca shinqac? Ca ¿peeta'a ñi qota'a ñí'maq se ỹa'maxañi quiyim ỹo'uet ca qanouaxanaxaset? (Dajo shinac 'nejem ca la'qaatec ca chaqai qom.)

Apocalipsis 1:4

Aỹim Juan, selatalo ana ỹerecse naua siete 'lauari neetalgoto ná'maq mashic icoñiguit da na'qaatec quená'maq neetalec yi 'laua Asia. Qamiri ỹaqaỹaripi, sahotaque quiyim coñiguit da qouagaxa chaqai da na'maxa chicqo'ot ñi qota'a, ñí'maq chaqai'en 'ue, ñí'maq chaqai'eno' 'ue quen, chaqai ñí'maq sqaica lqodoc quiyim 'ue. Chaqai chicqo'ot na siete nelaatqaipi se re'xogui reloqotau'a yi nqa'xanqa' ñi'maxare.

Apocalipsis 1:8

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Apocalipsis 11:17

'Neracsa': Saanqaem qami' da qana'aachic, qami' qara'gaxala' sqaica ca qalañirac, ma' chaqai'en 'ue qami', ñí'maq chaqai'eno' quen, chaqai ñí'maq naata'quena ma'le. Ma' mashic coñito' dá'maq chalego lecaic rquesaxanaxa'e' quiyim 'viiquiñi'sac ná'ogue najo.

Apocalipsis 16:4

Ca' so liỹa nelaatec piguim le'ec co'taxachigui aso 'taxaqui, ỹocorelec na lachiuguellipi, chaqai na ne'paxantashiguim huaxaỹaq. Ca' ñigui leuoripi nqai'en.

Apocalipsis 16:7

Qai'neeta 'ue so sa'xaỹaque 'maqateguelec ada ncopatoxonaxalate, 'naac: —Ajá'a, qami' ỹa'gaxala', qami' qota'olec qaica ca qalañirac, ỹaatqajam lliquete' chaqai ỹalamrete' naua leloxoỹaxaco da rouaxanaxanaxaqui'.

Apocalipsis 19:2

Ma' ñi'maxare quena' imit na nasauaxaset ỹaatqajam quiichiguilo nqai'ne' naua leloxoỹaxaco dá'maq lliqueta. Ma' ỹo'ueeto' na'le da nouaxanaxaset asó'maq ỹaatqajam nedequenaxai ma' na'axat ná'ogue na qomyipi quena 'laua queda nedequenaxac; ñi'maxare ỹa'ue lovi' caso'maxare da lelauaxa na lelaatqaipi ñi qota'a.

Apocalipsis 4:8

Ca' sauajo cuatro ise' nca'leesauec da'ta'a seis laua' quiñi 'óna. Chaqai no'qaachiguilo quenaua nqote' quena pa'aauec chaqai quena pa'aauo. Chaqai quiyi na'xa'a chaqai yi pe sqai ỹaxañiñi quiyim 'nerac: Qami' maq ỹaatqajam co'chiite', qami' qara'gaxala' qota'olec maq sqaica ca qalañirac, qami' ná'maq chaqai'en 'ue qami', chaqai 'ue qami' nagui, chaqai naata'quena ma'le.

Apocalipsis 6:10

Na'maxare ỹaatqajam nelamaxaren quena' 'naac: —Qami' qara'gaxala', ỹaatqajam qami' co'teeta chaqai quiyim pacqajñichirigui ná'maq chaxañi'sac, ¿tegue' chaqai laquio' ỹovita ca laloqo' nqai'ñi' quiyim michi' ca nasauaxaset, ca vite ca nouaxanaxaset ná'maq ỹo'uet na'le da qarelauaxa quená'maq hueetalec ana 'laua?